ഡല്ഹി: ഭരണത്തിലേറി ഒരു വര്ഷം പൂര്ത്തിയാക്കുമ്പോള് ഡല്ഹിയിലെ ആം ആദ്മി സര്ക്കാറിന് തങ്ങളുടെ വാഗ്ദാനങ്ങളള് പാലിക്കാന് കഴിഞ്ഞില്ലെന്ന് വിലയിരുത്തല്. ഇന്ത്യയിലെ തന്നെ മികച്ച മുഖ്യമന്ത്രിയാകുമെന്ന രീതിയില് വിലയിരുത്തപ്പെട്ട അരവിന്ദ് കെജ്രിവാള് ഭരണം ഡല്ഹിയിലെ ജനങ്ങളെ നിരാശപ്പെടുത്തിയെത്തി. അഴിമതിക്കെതിരെ ശക്തമായ വിമര്ശനങ്ങളുന്നയിച്ച് അധികാരത്തിലേറിയ എഎപിയിലെ പലര്ക്കെതിരെയും ഈ ചെറിയ കാലയളവില് തന്നെ ആരോപണമുയര്ന്നതും, പലര്ക്കെതിരെയും ക്രിമിനല് കേസുണ്ടായതും ചുണ്ടിക്കാട്ടപ്പെടുന്നു. ഇ
തിനിടെ ഭരണത്തിലായിരുന്നില്ല മറിച്ച് കേന്ദ്ര സര്ക്കാറിനെയും ഗവര്ണറെയും വിമര്ശിയ്ക്കുന്നതിലായിരുന്നു മുഖ്യമന്ത്രി അരവിന്ദ് കെജ്രിവാളിന്റെ ശ്രദ്ധയെന്ന ആക്ഷേപവും ശക്തമാണ്.
അഴിമതി രഹിത സര്ക്കാര് വാഗ്ദാനം ചെയ്ത ആം ആദ്മി പാര്ട്ടിയിലെ തന്നെ എം.എല്.എമാര്ക്കും മന്ത്രിമാര്ക്കും എതിരെ തന്നെ കൈക്കൂലി കേസുകളുണ്ട്. കൂടാതെ മുഖ്യമന്ത്രി അരവിന്ദ് കെജ്രിവാള്, ഉപമുഖ്യമന്ത്രി മനീഷ് സിസോദിയ എന്നിവരുള്പ്പെടെയുള്ള മന്ത്രിമര്ക്കെതിരെ ക്രമിനല് കേസുകളും നിലവിലുണ്ട്. ഇരുപതോളം വാഗ്ദാനങ്ങളാണ് ആം ആദ്മി മുന്നോട്ട് വച്ചിരുന്നത്. ഇതില് രണ്ടെണ്ണം മാത്രമാണ് പാലിക്കാനായതെന്ന് ബിജെപി പ്രവര്ത്തകര് ചൂണ്ടിക്കാട്ടുന്നു. കേന്ദ്രസര്ക്കാരിനെ പഴിച്ച് മുന്നോട്ട് പോകുന്ന രീതിയില് ജനങ്ങള്ക്ക് മനം മടുത്തുവെന്നും പ്രതിപക്ഷ കക്ഷികള് ആരോപിക്കുന്നു.
വികസനത്തിന്റെ കാര്യത്തിലും കാര്യമായൊന്നും കെജ്രിവാള് ഭരണത്തിന ചൂണ്ടിക്കാട്ടാനില്ല. അടിസ്ഥാനവികസനത്തിന്റെ കാര്യത്തില് സര്ക്കാരിന് എടുത്തുകാട്ടാവുന്ന പദ്ധതികളൊന്നുമില്ല. പല പ്രപ്പോസലുകളും പ്രപ്പോസല് മാത്രമായി തുടരുന്നുവെന്നാണ് ആക്ഷേപം.
Discussion about this post