ന്യൂഡല്‍ഹി: ഡൽഹി മുഖ്യമന്ത്രിയായി ആം ആദ്മി പാര്‍ട്ടി നേതാവ് അതിഷി ഇന്ന് സത്യപ്രതിജ്ഞ ചെയ്യും. പുതിയ മന്ത്രിമാരുടെ കൗൺസിലിൽ അംഗമാകുന്ന അഞ്ച് എംഎൽഎമാർക്കൊപ്പം ആണ് അതിഷി സത്യപ്രതിജ്ഞ ചെയ്യുക. രാജ്ഭവനിൽ വൈകിട്ട് 4.30 നാണ് സത്യപ്രതിജ്ഞാ ചടങ്ങ് നടക്കുക. ഡൽഹിയുടെ ഏറ്റവും പ്രായം കുറഞ്ഞ മുഖ്യമന്ത്രിയാണ് അതിഷി.
അതിഷിയ്‌ക്കൊപ്പം ആം ആദ്മി പാർട്ടി പ്രവർത്തകരായ ഗോപാൽ റായ്, കൈലാഷ് ഗഹ്‌ലോട്ട്, സൗരഭ് ഭരദ്വാജ്, ഇമ്രാൻ ഹുസൈൻ എന്നിവരും ഇന്ന് സത്യപ്രതിജ്ഞ ചെയ്യും. സുൽത്താൻപൂർ മജ്‌റയിൽ നിന്ന് ആദ്യമായി എംഎൽഎയും എഎപിയുടെ ദളിത് മുഖവുമായ മുകേഷ് അഹ്ലാവത്
ഡൽഹി കാബിനറ്റിൽ ഒരു പുതിയ അംഗമായി ഉണ്ടാകും.
അരവിന്ദ് കെജ്‌രിവാൾ സ്ഥാനമൊഴിഞ്ഞതിന് പിന്നാലെ ചൊവ്വാഴ്ച നടന്ന എഎപി നിയമസഭാ കക്ഷി യോഗത്തിൽ അതിഷിയെ നിയുക്ത മുഖ്യമന്ത്രിയായി ഏകകണ്ഠമായി തിരഞ്ഞെടുക്കുകയായിരുന്നു. ഡൽഹി മദ്യനയ അഴിമതിയുമായി ബന്ധപ്പെട്ട അഴിമതി കേസിൽ സുപ്രീം കോടതി ജാമ്യം അനുവദിച്ച് ദിവസങ്ങൾക്ക് ശേഷമാണ് അരവിന്ദ് കെജ്‌രിവാളിന്റെ രാജി.
Discussion about this post