ന്യൂഡൽഹി: കരസേന മേധാവി എം.എം നരവാനെയും വിദേശകാര്യ സെക്രട്ടറി ഹർഷ് ഷ്രിംഗ്ലയും നാളെ മ്യാന്മർ സന്ദർശിക്കും . മ്യാൻമറുമായുള്ള ഇന്ത്യയുടെ സുരക്ഷാ ബന്ധം കൂട്ടുന്നതിനുള്ള കരാറിൽ ഒപ്പുവെക്കാനാണ് ഇരുവരും പോകുന്നത്. ജനറൽ നരവനെയും ഷ്രിംഗ്ലയും സീനിയർ ജനറൽ മിൻ ആംഗ് ഹ്ലേയിംഗിനെയും മ്യാൻമറിന്റെ സ്റ്റേറ്റ് കൗൺസിലർ ആംഗ് സാൻ സൂകിയെയും നവംബർ എട്ടിന് സന്ദർശിക്കും.
രണ്ട് ദിവസത്തെ ഈ സന്ദർശനത്തിന്റെ പ്രത്യേകത തീരദേശ ഷിപ്പിംഗ് കരാറാണ്, ബംഗാൾ ഉൾക്കടലിലെ സിറ്റ്വെ തുറമുഖം വഴിയും കലാദൻ നദി മൾട്ടി മോഡൽ ലിങ്ക് വഴിയും ഇന്ത്യൻ കപ്പലുകൾക്ക് മ്യാന്മറിൽ എത്താൻ കഴിയും. അടൽ ബിഹാരി വാജ്പേയി സർക്കാർ വിഭാവനം ചെയ്ത ഈ പദ്ധതി കഴിഞ്ഞ 20 വർഷമായി പൂർത്തീകരിക്കാനായിട്ടില്ല. ഇത് കൂടാതെ ഇന്ത്യ-മ്യാൻമർ അതിർത്തിയിൽ ഇന്ത്യാ വിരുദ്ധ കലാപകാരികൾക്കും മയക്കുമരുന്ന് കള്ളക്കടത്തുകാർക്കുമെതിരെ ശക്തമായ നടപടി സ്വീകരിച്ചു സുരക്ഷാ ബന്ധം ശക്തിപ്പെടുത്തുന്നതിനെക്കുറിച്ചും ഇരുപക്ഷവും ചർച്ച ചെയ്യും.
read also: ചൈനയുടെ ദേശീയ ദിനത്തിൽ ഇന്ത്യൻ പതാകയുമായി ഹോങ്കോംഗുകാരൻ ; ചിത്രങ്ങൾ വൈറൽ
മണിപ്പൂരിലെ മോറെ അതിർത്തിയിലും അരുണാചൽ പ്രദേശിലെ വിജയനഗറിലും ധാരാളം ഇന്ത്യാ വിരുദ്ധ കലാപകാരികളാണ് ഉള്ളത് . ചൈനയിലെ യുനാൻ പ്രവിശ്യയിലെ റുയിലി ആസ്ഥാനമായുള്ള ഉൽഫയിലെ പരേഷ് ബറുവയെപ്പോലുള്ള നേതാക്കളുമായി ഇന്ത്യാ വിരുദ്ധ കലാപകാരികൾ ചൈനയുടെ പിന്തുണയോടെ ബന്ധപ്പെടുന്നുണ്ടെന്നാണ് റിപ്പോർട്ട് . ഇന്ത്യൻ-മ്യാൻമർ അതിർത്തി വഴി യാബ, ഹെറോയിൻ തുടങ്ങിയ ലഹരി മരുന്നുകൾ കടത്താനും ഇവരെ ചൈന ഉപയോഗിക്കുന്നു. ഈ വിഷയങ്ങളെല്ലാം ചർച്ച ചെയ്യുമെന്നാണ് സൂചന
Discussion about this post