ഡല്‍ഹി: ജവഹര്‍ലാല്‍ നെഹ്‌റു സര്‍വകലാശാല കാമ്പസില്‍ പാര്‍ലമെന്റ് ഭീകരാക്രമണ സൂത്രധാരന്‍ അഫ്‌സല്‍ ഗുരുവിനെ അനുകൂലിച്ച് പ്രകടനം നടത്തുകയും ഇന്ത്യ വിരുധ മുദ്രാവാക്യങ്ങള്‍ വിളിക്കുകയും ചെയ്ത വിദ്യാര്‍ഥികളെ പുറത്താക്കി. എട്ട് വിദ്യാര്‍ഥികളെയാണ് സര്‍വകലാശാല പുറത്താക്കിയത്.സംഭവത്തില്‍ കൂടുതല്‍ അറസ്റ്റ് ഉണ്ടായേക്കുമെന്നും സൂചനയുണ്ട്.
സംഭവവുമായി സ്റ്റുഡന്റ്‌സ് യൂണിയന്‍ പ്രസിഡന്റ് കന്‍ഹൈയ കുമാറിനെ വെള്ളിയാഴ്ച അറസ്റ്റ് ചെയ്തിരുന്നു. മൂന്നു ദിവസം പോലീസ് കസ്റ്റഡിയില്‍ കഴിയാന്‍ വിധിക്കപ്പെട്ട കന്‍ഹൈയ കുമാറിനെ മോചിപ്പിക്കണമെന്ന ആവശ്യവുമായി ഇന്ന് കാമ്പസില്‍ വിദ്യാര്‍ഥി പ്രകടനം നടന്നു.
കാമ്പസിലെ സംഘര്‍ഷാവസ്ഥ കണക്കിലെടുത്ത് വിദ്യാര്‍ഥി പ്രതിനിധികളുമായി അധ്യാപകര്‍ ഇന്ന് ചര്‍ച്ച ചെയ്യുമെന്നാണ് കരുതപ്പെടുന്നത്. കാമ്പസിലെ പോലീസ് നടപടികള്‍ അവസാനിപ്പിക്കണമെന്നും അറസ്റ്റിലായ വിദ്യാര്‍ഥി സംഘടനാ നേതാവിനെ വിട്ടയക്കണമെന്നും ആവശ്യപ്പെട്ട് സിപിഎം ജനറല്‍ സെക്രട്ടറി സീതാറാം യെച്ചൂരി ആഭ്യന്തരമന്ത്രി രാജ്‌നാഥ് സിംഗിനെ കണ്ടു.
Discussion about this post