ശ്രീനഗർ : ജമ്മുകശ്മീരിൽ സുരക്ഷാസേനയും കമ്യൂണിസ്റ്റ് ഭീകരരും തമ്മിൽ ഏറ്റുമുട്ടൽ. കുൽഗാമിലെ അധിഗാം ദേവ്സർ മേഖലയിലാണ് ഏറ്റുമുട്ടൽ. കശ്മീർ പോലീസാണ് ഇക്കാര്യം അറിയിച്ചത്.
അധിഗാം ദേവ്സർ മേഖലയിൽ ഭീകരരുണ്ടെന്ന രഹസ്യവിവരം സംഘത്തിന് ലഭിച്ചിരുന്നു. ഇതേ തുടർന്ന് സുരക്ഷാ സേന പരിശോധന നടത്തുകയായിരുന്നു. ഇതിനിടയിൽ ഭീകരർ വെടിവെക്കുകയായിരുന്നു. മേഖല സേന പൂർണമായും വളഞ്ഞിട്ടുണ്ട്. പ്രദേശത്ത് ഒന്നിലധികം ഭീകരർ അകപ്പെട്ടതായാണ് സൂചന.ജമ്മുകശ്മീരിലെ പോലീസും ഇന്ത്യൻ സേനയും സംയുക്തമായാണ് ഓപ്പറേഷൻ നടത്തുന്നത്. ഇത് സംബന്ധിച്ച കൂടുതൽ വിവരങ്ങൾ ലഭിച്ചിട്ടില്ല .
സെപ്റ്റംബർ 22ന് കിഷ്ത്വാർ ജില്ലയിലെ ചത്രു മേഖലയിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ നടന്നിരുന്നു.
Discussion about this post