ന്യൂഡല്‍ഹി: മിഡിൽ ഈസ്റ്റിലെ സംഘർഷത്തെക്കുറിച്ച് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി ചര്‍ച്ച നടത്തി പ്രധാനമന്ത്രി നരേന്ദ്ര മോദി. പശ്ചിമേഷ്യയിൽ വർദ്ധിച്ചുവരുന്ന സംഘർഷങ്ങളെക്കുറിച്ച് ആശങ്ക പ്രകടിപ്പിച്ച മോദി ‘നമ്മുടെ ലോകത്ത് ഭീകരവാദത്തിന് സ്ഥാനമില്ല’ എന്ന് ഊന്നിപ്പറഞ്ഞു.
നെതന്യാഹുവുമായി നടന്ന ചര്‍ച്ചയെ കുറിച്ച് മോദി എക്സില്‍ കുറിച്ചു. എല്ലാ ബന്ദികളെയും സുരക്ഷിതമായി മോചിപ്പിക്കുന്നതിൻ്റെ പ്രാധാന്യം പോസ്റ്റിലൂടെ വ്യക്തമാക്കി. സമാധാനവും സ്ഥിരതയും നേരത്തെയുള്ള പുനഃസ്ഥാപിക്കുന്നതിനുള്ള ശ്രമങ്ങളെ പിന്തുണയ്ക്കുന്നതിനുള്ള ഇന്ത്യയുടെ പ്രതിബദ്ധതയും അദ്ദേഹം ആവർത്തിച്ചു.
മിഡിൽ ഈസ്റ്റിൽ സംഘർഷം രൂക്ഷമാകുന്നതിനിടെയാണ് നെതന്യാഹുവുമായുള്ള പ്രധാനമന്ത്രി മോദിയുടെ ടെലിഫോൺ സംഭാഷണം. ലെബനനിലെ ഇറാൻ പിന്തുണയുള്ള ഭീകരവാദ ഗ്രൂപ്പായ ഹിസ്ബുള്ളയ്‌ക്കെതിരെ ഇസ്രായേൽ തുടർച്ചയായി വ്യോമാക്രമണം നടത്തുന്നു.
Discussion about this post