മലപ്പുറം : ഡെമോക്രാറ്റിക് മൂവ്മെന്റ് ഓഫ് (കേരള ഡിഎംകെ) സംഘടന നിലവിൽ സാമൂഹ്യകൂട്ടായ്മയാണെന്ന് പിവി അൻവർ. സംഘടന ഒരു രാഷ്ട്രീയ പാർട്ടിയല്ല. സംസ്ഥാനത്തെ മൊത്തം വിഷയങ്ങൾ ഉയർത്തിക്കാട്ടി മുന്നോട്ട് പോകും . ഇന്ന് നടക്കുന്ന യോഗത്തിൽ സാധാരണക്കാരായ മനുഷ്യരുണ്ടാകും എന്ന് അദ്ദേഹം പറഞ്ഞു. കഴിഞ്ഞ ദിവസം മഞ്ചേരിയിലാണ് അദ്ദേഹം ഇക്കാര്യം പറഞ്ഞത്.
തദ്ദേശ തിരഞ്ഞെടുപ്പിലും ഉപതിരഞ്ഞെടുപ്പിലും മത്സരിക്കും. എന്നാൽ ഇതേ പേരിലാകുമെന്ന് പറയാൻ കഴിയില്ല എന്നും അദ്ദേഹം കൂട്ടിച്ചേർത്തു. എംഎൽഎ സ്ഥാനം രാജിവെക്കുന്ന കാര്യം ഇപ്പോൾ ആലോചിക്കുന്നില്ല. പിന്നീട് ആലോചിക്കാം.
കേരളത്തിലെ ജനങ്ങളുടെ ജനാധിപത്യപരമായ മുന്നേറ്റമായത് കൊണ്ടാണ് പേര് നിശ്ചയിച്ചത്. പകൽ സൂര്യവെളിച്ചം രാത്രി ടോർച്ച് വെളിച്ചം വേണം. അതുകൊണ്ടാണ് ടോർച്ച് സംഘടനയുടെ പേരിന് ഒപ്പം വെച്ചത് എന്നും അൻവർ പറഞ്ഞു.
തനിക്ക് എതിരെ വർഗീതയുടെ ചാപ്പ് കുത്തിയിരിക്കുകയാണ്. അതുകൊണ്ടാണ് മനാഫും അർജുന്റെയും ചിത്രം ബോർഡുകളിൽ വെച്ചത്.അർജുനും മനാഫും മതേതരത്വത്തിന്റെ പ്രതീകമാണ്. വീരചരിത്രം ഉറങ്ങുന്ന മണ്ണാണ് മഞ്ചേരിയിൽ. അതിനാലാണ് ഇവിടെ തന്നെ പാർട്ടി പ്രഖ്യാപനം വെച്ചത് എന്നും അദ്ദേഹം കൂട്ടിച്ചേർത്തു.
പി വി അൻവർ എം എൽ എ രാഷ്ട്രീയ പാർട്ടി ഇന്ന് പ്രഖ്യാപിക്കും. മഞ്ചേരിയിൽ നടക്കുന്ന പൊതുപരിപാടിയിലാണ് പ്രഖ്യാപനം ഉണ്ടാവുകയെന്ന് റിപ്പോർട്ട് . ഇൻഡി മുന്നണിയുടെ ഭാഗമായ തമിഴ്നാട്ടിലെ ഡി എം കെ യോടൊപ്പം ചേർന്നു പ്രവർത്തിക്കുമെന്നാണ് വിവരം.
