കാണിയുടെ വികൃതി, നെറ്റിയിലേക്ക് ചുവപ്പ് ലേസറടിച്ചു, പരിഭ്രാന്തനായി വേദി വിട്ടോടി നിക് ജൊനാസ്

സംഗീത നിശയ്ക്കിടെ ഒരു കാണിയുടെ വികൃതി മൂലം പരിഭ്രാന്തനായി വേദി വിട്ടോടിയിരിക്കുകയാണ് ഗായകനും നടനുമായ നിക് ജൊനാസ്. നെറ്റിയിലേക്ക് ലേസര്‍ പതിച്ചതിനെത്തുടര്‍ന്നാണ് ഇദ്ദേഹം വേദിയില്‍ നിന്ന് ഇറങ്ങിയോടിയത്. സഹോദരങ്ങളായ കെവിനും ജോയ്ക്കുമൊപ്പം നടത്തുന്ന വേള്‍ഡ് ടൂറിന്റെ ഭാഗമായി ചെക്ക് റിപബ്ലിക് തലസ്ഥാനമായ പ്രാഗില്‍ നടത്തിയ പരിപാടിക്കിടെയാണ് സംഭവം. വേദിയില്‍ നിന്ന് പൊടുന്നനെ ഇറങ്ങിയോടുന്ന നിക്ക് ജൊനാസിന്റെ വീഡിയോ വിവിധ സോഷ്യല്‍ മീഡിയ പ്ലാറ്റ്‌ഫോമുകളില്‍ ഇതിനകം വൈറല്‍ ആയിട്ടുണ്ട്.

ജൊനാസ് ഡെയ്‌ലി ന്യൂസ് എന്ന ഇന്‍സ്റ്റഗ്രാം അക്കൗണ്ടില്‍ എത്തിയ വീഡിയോയാണ് കാര്യമായി പ്രചരിക്കുന്നത്. നെറ്റിയില്‍ ലേസര്‍ രശ്മികള്‍ പതിച്ചതിനെത്തുടര്‍ന്ന് വേദിയിലെ കാണികള്‍ക്കിടയിലേക്ക് നോക്കുന്ന ജൊനാസിനെയും പൊടുന്നതെ അദ്ദേഹം ഇറങ്ങി ഓടുന്നതും വീഡിയോയില്‍ കാണാം. അടുത്ത് നില്‍ക്കുകയായിരുന്ന സുരക്ഷാ ഉദ്യേഗസ്ഥനോട് ആംഗ്യഭാഷയില്‍ വിനിമയം ചെയ്യുന്നുമുണ്ട് ഈ സമയം നിക്ക്. സുരക്ഷാ ഉദ്യോഗസ്ഥനും അദ്ദേഹത്തിനൊപ്പം പോകുന്നുണ്ട്.

ഇതുമൂലം കുറച്ചു സമയത്തേക്ക് പരിപാടി നിര്‍ത്തിവെക്കേണ്ടിവന്നുവെന്ന് ആരാധകര്‍ പറയുന്നു. നിക്ക് ജൊനാസിന്റെ മുഖത്തേക്ക് ലേസര്‍ അടിച്ച കാണിയെ പുറത്താക്കിയതിന് ശേഷമാണ് പരിപാടി പുനരാരംഭിച്ചത്. ബോളിവുഡ് താരം പ്രിയങ്ക ചോപ്രയാണ് നിക്ക് ജൊനാസിന്റെ ഭാര്യ.

Why would point a laser at Nick in the first place you got him and the rest scared. From what I read they stopped the for a few mins because of this, that is why he said time out and ran so fast off the stage. Do you not have any decency??You don’t just point a laser at his head. pic.twitter.com/3XUR2QG2yJ

— 💋кαукαу ღ💋 (@KayKayKayKay94) October 16, 2024