മനസ്സിനെ വളരെ യധികം സ്പർശിച്ചു ;നാരീശക്തിയുടെ അനുഗ്രഹം പ്രചോദനം; വനവാസി സ്ത്രീയുടെ വാത്സല്യത്തിനും സ്നേഹത്തിനും നന്ദി അറിയിച്ച് പ്രധാനമന്ത്രി
ന്യൂഡൽഹി : വനവാസി സ്ത്രീയുടെ വാത്സല്യത്തിനും സ്നേഹത്തിനും നന്ദി അറിയിച്ച് പ്രധാന മന്ത്രി നരേന്ദ്രമോദി. വികസിത ഭാരതം കെട്ടിപ്പടുക്കാൻ തുടർന്നും പ്രവർത്തിക്കാൻ ‘നാരി ശക്തി’യുടെ അനുഗ്രഹം തനിക്ക് പ്രചോദനമായി എന്ന് പ്രധാനമന്ത്രി പറഞ്ഞു.
ബിജെപി അംഗത്വ ക്യാമ്പെയ്ൻരെ ഭാഗമായി സുന്ദർഗഡിൽ പോയപ്പോൾ പ്രധാനമന്ത്രി നരേന്ദ്ര മോദിക്ക് നൽകാനായി വനവാസി സ്ത്രീ 100 രൂപ എടുത്ത് നൽകിയ സംഭവം ബിജെപി വൈസ് പ്രസിഡന്റ് ബൈജയന്ത് ജയ് പാണ്ഡ എക്സിൽ പങ്കുവച്ചിരുന്നു. പാണ്ടയുടെ എക്സ് പോസ്റ്റ് പ്രധാനമന്ത്രിയുടെ ശ്രദ്ധയിൽപ്പെട്ടതോടെ സംഭവത്തിൽ പ്രതികരിച്ച് നരേന്ദ്രമോദി രംഗത്തെത്തിയത്.
‘ആ വാത്സല്യം വളരെയധികം എന്നെ സ്പർശിച്ചു. തന്നെ എക്കാലവും അനുഗ്രഹിക്കുന്ന നാരിശക്തികളെ വണങ്ങുന്നു. അവരുടെ അനുഗ്രഹങ്ങൾ ഒരു വികസിത ഭാരതം കെട്ടിപ്പടുക്കുന്നതിനായി പ്രവർത്തിക്കാൻ എന്നെ പ്രചോദിപ്പിക്കുന്നു’ എന്ന് പ്രധാനമന്ത്രി പറഞ്ഞു.
വനവാസി സ്ത്രീ നന്ദി അറിയിക്കണമെന്ന് പറഞ്ഞ് 100 രൂപ എടുത്ത് തരുകയായിരുന്നു. പ്രധാനമന്ത്രിയുടെ പ്രവർത്തനങ്ങൾ മികച്ചതാണെന്നും വനവാസി കുടുംബങ്ങളെ സമൂഹത്തിന്റെ മുൻനിരയിലെത്തിക്കാൻ പ്രധാനമന്ത്രി വളരെയധികം പ്രയത്നിക്കുന്നുണ്ടെന്നും വനവാസി സ്ത്രീ പറഞ്ഞു എന്ന് ബൈജയന്ത് ജയ് പാണ്ഡ എക്സിൽ കുറിച്ചു.
Discussion about this post