ന്യൂഡൽഹി: ഇന്ത്യയിൽ തന്നെ തുടരുമെന്ന് വ്യക്തമാക്കി യൂട്യൂബർ ധ്രുവ് റാഠിയെ വിമർശിച്ചതിന്റെ പേരിൽ ഭീഷണി നേരിടുന്ന പോളിഷ് വനിതാ യൂട്യൂബർ കരോലിന ഗോസ്വാമി. ആരെയും ഭയമില്ലെന്നും അവർ പറഞ്ഞു. ധ്രുവ് റാഠിയുടെ ആരാധകരുടെ ഭീഷണി ശക്തമായതോടെ സോഷ്യൽ മീഡിയയിലൂടെ ആയിരുന്നു കരോലിന ഇക്കാര്യം വ്യക്തമാക്കിയത്.
ആരെയും ഭയമില്ല. ഒന്നിനെയും ഭയമില്ല. എന്തൊക്കെ സംഭവിച്ചാലും ഇന്ത്യയിൽ തന്നെ തുടരും. ഇവിടെ ജീവിക്കും എന്നും കരോലിന പറഞ്ഞു. അംഗരക്ഷകരുടെ അകമ്പടിയോടെ കുട്ടികൾക്കൊരപ്പം നടക്കുന്ന ചിത്രങ്ങളും കരോലിന പുറത്തുവിട്ടിട്ടുണ്ട്.
ധ്രുവ് റാഠി പങ്കുവച്ച വീഡിയോ വിമർശിച്ചതിന്റെ പേരിലാണ് ആരാധകരിൽ നിന്നും കരോലിനയ്ക്ക് ഭീഷണി ഉണ്ടായത്. ജർമ്മനയിൽ വച്ച് റാഠിയുടെ ആരാധകരിൽ നിന്നും മർദ്ദനം നേരിട്ടുവെന്നും കരോലിന പറഞ്ഞു. ഭർത്താവിനെയും ഇവർ ആരാധിച്ചിരുന്നു. തങ്ങളുടെ കാറിന് നേരെയും ആക്രമണം ഉണ്ടായി എന്നും കരോലിന പറഞ്ഞു. ഇതിന് പിന്നാലെ ധ്രുവ് റാഠിയുടെ ആരാധകരിൽ നിന്നുണ്ടായ ബലാത്സംഗ ഭീഷണികളുടെ സ്ക്രീൻ ഷോട്ടുകളും കരോലിന പങ്കുവച്ചിട്ടുണ്ട്.
Discussion about this post