വിലകൂടിയ മദ്യത്തിനായി ക്യൂവില്‍ നിന്ന് കഷ്ടപ്പെടാതെ തന്നെ വാങ്ങാന്‍ ബെവ്‌കോ ഏര്‍പ്പെടുത്തിയ ഓണ്‍ലൈന്‍ സൗകര്യം ഒടുവില്‍ കമ്പനിക്കുതന്നെ വിനയായ സംഭവമാണ് ഇപ്പോള്‍ പുറത്തുവരുന്നത്. ഓണ്‍ലൈനില്‍ മദ്യം ബുക്ക് ചെയ്ത് വാങ്ങാനുള്ള സംവിധാനമാണ് വെബ്‌സൈറ്റിലെ ഈ ഒരു പിഴവുകാരണം തലവേദനയായത്.
ജോണി വാക്കര്‍ ഉള്‍പ്പെടെ വന്‍കിട ബ്രാന്‍ഡുകള്‍ വെറും 40 രൂപയ്ക്ക് ബുക്ക് ചെയ്ത് തിരുവനന്തപുരം സ്വദേശിയായ ഇരുപതുകാരന്‍ ബെവ്‌കോ ഐടി വിഭാഗത്തെ നാണം കെടുത്തുകയായിരുന്നു. സൈബര്‍ സെക്യൂരിറ്റി റിസര്‍ച്ചറായ യുവാവ് പക്ഷേ മദ്യം വാങ്ങിക്കൊണ്ടുപോയില്ല. പകരം അദ്ദേഹം ഈ വലിയ വിഴ്ച്ചയുടെ വിവരം വിവരം എക്‌സൈസ് മന്ത്രി എം.ബി.രാജേഷിനെയും ബെവ്‌കോ ഉദ്യോഗസ്ഥരെയും അറിയിച്ചു.
സ്വയം നടത്തിയ റിസര്‍ച്ചിന്റെ ഭാഗമായാണ് യുവാവ് ബെവ്‌കോ വെബ്‌സൈറ്റിലെ ഈ വന്‍ പിഴവ് കണ്ടെത്തിയത്. ഓണ്‍ലൈനില്‍ പണമടച്ചശേഷം മൊബൈലില്‍ ലഭിക്കുന്ന കോഡുമായി ബെവ്‌കോ ഔട്‌ലറ്റിലെത്തിയാല്‍ ക്യൂ നില്‍ക്കാതെ മദ്യം വാങ്ങാം. ഔട്‌ലറ്റുകളിലെ തിരക്ക് കുറക്കുന്നതിനുവേണ്ടിക്കൂടിയാണ് ഇത്തരമൊരു സംവിധാനം കൊണ്ടുവന്നത്.
എന്നാല്‍ ബെവ്‌കോയുടെ വെബ്‌സൈറ്റില്‍ ഇതിനായി ഉള്‍പ്പെടുത്തിയ മോഡ്യൂളില്‍ വലിയ പിഴവ് കണ്ടെത്തിയതോടെ ഈ സംവിധാനം പിന്‍വലിച്ചിരിക്കുകയാണ് ഇനിമുതല്‍ സമ്പൂര്‍ണ്ണ
സുരക്ഷ ഉറപ്പാക്കിയശേഷം മാത്രമേ സംവിധാനം പുനരാരംഭിക്കൂ എന്ന് ബെവ്‌കോ അധികൃതര്‍ അറിയിച്ചു. പിഴവ് കണ്ടെത്തിയ വിദ്യാര്‍ഥി പേരുവെളിപ്പെടുത്താന്‍ താല്‍പര്യമില്ലെന്ന് അറിയിച്ചതിനാല്‍ ഇദ്ദേഹത്തിന്റെ കൂടുതല്‍ വിവരങ്ങള്‍ പുറത്തുവിട്ടിട്ടില്ല.
Discussion about this post