മനോഹരമായ വീട് പണിത കോണ്‍ട്രാക്ടര്‍ക്ക് സമ്മാനമായി ഒരു വീട്ടുടമ നല്‍കിയത് ഒരു കോടി രൂപ വിലമതിക്കുന്ന വാച്ച്. പഞ്ചാബിലെ ബിസിനസുകാരനായ ഗുര്‍ദീപ് ദേവ് ബാത്ത് എന്നയാളാണ് കോണ്‍ട്രാക്ടറായ രാജീന്ദ്രര്‍ സിംഗ് രൂപ്രയ്ക്ക് റോളക്‌സ് ഓയിസ്റ്റര്‍ പെര്‍പെച്ച്വല്‍ സ്‌കൈ ഡ്വെല്ലര്‍ വാച്ച് സമ്മാനമായി നല്‍കിയത്.
പുരാതന രാജസ്ഥാനി കോട്ടകളെ അനുസ്മരിപ്പിക്കുന്ന തരത്തിലാണ് സിറാക്പൂരില്‍ 9 ഏക്കറിര്‍ സ്ഥലത്ത് ഇദ്ദേഹം വീട് നിര്‍മ്മിച്ചത്. പ്രവേശന കവാടത്തില്‍ തന്നെ രണ്ട് ഗര്‍ജിക്കുന്ന സിംഹങ്ങളുടെ ശില്‍പവും കൊത്തിവച്ചിട്ടുണ്ട്.ഇരുവശങ്ങളും ചെടികളും മരങ്ങളും കൊണ്ട് സുന്ദരമാക്കിയിരിക്കുന്ന മുറ്റത്തിന്റെ ഒത്ത നടുവില്‍ തന്നെ അതിമനോഹരമായ ഒരു ജലധാരയുമുണ്ട്. വെളുത്തനിറമാണ് കോട്ടയ്ക്ക് സമാനമായ വീടിന് നല്‍കിയിരിക്കുന്നത്. വീടിനു ചുറ്റും മനോഹരമായ മതിലും നിര്‍മ്മിച്ചിട്ടുണ്ട്.
ഒരു ദിവസം ഇരുനൂറിലധികം ആള്‍ക്കാര്‍ ജോലിചെയ്ത് 2 വര്‍ഷത്തിനകം കോണ്‍ട്രാക്ടര്‍ വീടുപണി തീര്‍ത്തു നല്‍കി. തങ്ങളുടെ പ്രതീക്ഷകള്‍ക്കപ്പുറം കോണ്‍ട്രാക്ടര്‍ രാജീന്ദ്രര്‍ സിംഗ് രൂപ്ര വീടുപണിത് നല്‍കിയെന്ന് വീട്ടുടമയായ ബിസിനസുകാരന്‍ പറഞ്ഞു. രന്‍ജോദ് സിംഗ് എന്ന ആര്‍ക്കിടെക്ച്ചറര്‍ ആണ് വീടിന്റെ പ്‌ളാന്‍ വരച്ചത്.
ഇത്രയും വലിയ വീട് കുറഞ്ഞ കാലയളവില്‍ പണിതു തീര്‍ത്തതിന്റെ എല്ലാ അംഗീകാരവും തന്റെയൊപ്പം നിന്ന തൊഴിലാളികള്‍ക്കാണെന്നാണ് കോണ്‍ട്രാക്ടറുടെ പക്ഷം.
Discussion about this post