പ്രമുഖ ഒടിടി പ്ലാറ്റ്‌ഫോമായ നെറ്റ്ഫ്ളിക്സ് പുതിയ ഫീച്ചർ അവതരിപ്പിച്ചു. മൊമന്റ്‌സ് എന്നാണ് അവതരിപ്പിച്ചിരിക്കുന്ന ഫീച്ചറിന്റെ പേര്. നെറ്റ്ഫ്ളിക്സിലെ ഏതെങ്കിലുമൊരു സിനിമയോ സിരീസോ ഷോയോ കണ്ടുകൊണ്ടിരിക്കുമ്പോൾ അതിലെ ഇഷ്ടപ്പെട്ട ഭാഗങ്ങൾ ബുക്ക്മാർക്ക് ചെയ്ത് വെക്കാനും സോഷ്യൽ മീഡിയയിൽ അത് പങ്കുവെക്കാനും കഴിയുന്ന സൗകര്യമാണ് ഈ ഫീച്ചറിലുള്ളത്.
നെറ്റ്ഫ്‌ളികിന്റ ഐഒഎസ് ആപ്പിലേക്ക് ഇപ്പോൾ ഈ ഫീച്ചർ എത്തിയിട്ടുണ്ട്. ഈ ഫീച്ചർ ഉപയോഗിച്ച് പ്ലാറ്റ്ഫോമിലെ സിനിമയിലെയും സിരീസിലെയും ഷോയിലേയും ഇഷ്ടപ്പെട്ട നിമിഷങ്ങൾ നിങ്ങൾക്ക് സേവ് ചെയ്ത് വെക്കാൻ സാധിക്കും. സേവ് ചെയ്ത ഭാഗം ഇൻസ്റ്റഗ്രാം, ഫേസ്ബുക്ക് തുടങ്ങിയ സോഷ്യൽ മീഡിയ പ്ലാറ്റ്ഫോമുകളിലേക്ക് ഷെയർ ചെയ്യാനും ഓപ്ഷനുണ്ട്.
നെറ്റ്ഫ്ളിക്സിലെ ഒരു സിനിമയിലോ സിരീസിലോ ഷോയിലോ നിന്ന് സീൻ സേവ് ചെയ്യണമെങ്കിൽ സ്‌ക്രീനിൻറെ താഴെ ഇടതുമൂലയിലുള്ള മൊമൻറ്സ് എന്ന ഓപ്ഷനിൽ ടാപ് ചെയ്യണം. എളുപ്പം വീണ്ടും സന്ദർശിക്കാൻ കഴിയുന്ന തരത്തിൽ മൈ നെറ്റ്ഫ്ളിക്സ് ടാബിലേക്കാണ് ഇവ സേവ് ചെയ്യപ്പെടുക. സീൻ സേവ് ചെയ്ത ഭാഗം വീണ്ടും കാണുമ്പോൾ ഈ ബുക്ക്മാർക്ക് ഭാഗത്തിൽ നിന്നാണ് വീഡിയോ പ്ലേയാവാൻ തുടങ്ങുക.
Discussion about this post