എവിടെ വേണമെങ്കിലും വീട്ടിലെ വൈ ഫൈ കണക്ഷൻ ഉപയോഗിക്കാൻ കഴിയുന്ന ബിഎസ്എൻഎലിന്റെ സർവീസ് ലഭിക്കാൻ രജിസ്‌ട്രേഷൻ തുടങ്ങി . അതിവേഗം തന്നെ രാജ്യത്ത് എവിടെ വേണമെങ്കിലും അതിവേഗ ഇന്റർനെറ്റ് ഉപയോഗിക്കാൻ കഴിയും എന്നാണ് റിപ്പോർട്ട്. ബിഎസ്എൻഎല്ലിന്റെ നാഷ്ണൽ വൈ ഫൈ റോമിംഗിലൂടെയാണ് ഇത് നടപ്പിലാക്കുന്നത്.
എന്താണ് ബിഎസ്എൻഎല്ലിന്റെ നാഷ്ണൽ വൈ ഫൈ റോമിംഗ്
റൂട്ടർ സ്ഥാപിച്ചിട്ടുള്ള നിശ്ചിത ലൊക്കേഷനിൽ മാത്രമേ നിലവിൽ ഇൻറർനെറ്റ് ഉപയോഗിക്കാൻ സാധിച്ചിരുന്നുള്ളൂ. വീട്ടിലാണ് എഫ്ടിടിഎച്ച് കണക്ഷൻ എടുത്തിട്ടുള്ളതെങ്കിൽ വീട് വിട്ടിറങ്ങിയാൽ ഈ വൈ-ഫൈ കണക്ഷൻ ഉപയോഗിക്കാൻ ഇതുവരെ സാധിച്ചിരുന്നില്ല. എന്നാൽ ബിഎസ്എൻഎല്ലിൻറെ നാഷണൽ വൈ-ഫൈ റോമിംഗ് സർവീസ് പ്രകാരം വീട്ടിലെ വൈ-ഫൈ കണക്ഷൻ ഉപയോഗിച്ച് തന്നെ അതിവേഗ ഇൻറർനെറ്റ് ഇന്ത്യയിലെവിടെയും ഉപയോഗിക്കാം.
ഇത് എങ്ങനെയാണ് നെറ്റ് പുറത്ത് കിട്ടുന്നത് എന്ന് നോക്കാം . ബിഎസ്എൻഎല്ലിൻറെ നാഷണൽ വൈ-ഫൈ റോമിംഗ് ലഭിക്കാൻ നിങ്ങൾ ഇൻറർനെറ്റ് ആക്‌സസ് ചെയ്യാൻ ശ്രമിക്കുന്ന സ്ഥലത്തും ബിഎസ്എൻഎല്ലിൻറെ വൈഫൈ കണക്ഷൻ ഉണ്ടായാൽ മതി. നിങ്ങളൊരു റെയിൽവേ സ്റ്റേഷനിലാണെങ്കിൽ അവിടുത്തെ വൈഫൈയുമായി വീട്ടിലെ വൈഫൈ കണക്ഷനെ ബന്ധിപ്പിച്ചാണ് ഫോണിൽ ഇൻറർനെറ്റ് ലഭ്യമാവുക. റെയിൽവേ സ്റ്റേഷനുകൾ, ഹോട്ടലുകൾ തുടങ്ങിയ ഇടങ്ങൾ മുതൽ ഗ്രാമങ്ങളിൽ വരെ ഇങ്ങനെ ബിഎസ്എൻഎല്ലിൻറെ അതിവേഗ ഇൻറർനെറ്റ് ഇങ്ങനെ ഉപയോഗിക്കാം.
ബിഎസ്എൻഎൽ സർവീസ് കിട്ടാൻ രജിസ്‌ട്രേഷൻ എങ്ങനെ ചെയ്യണം
നാഷ്ണൽ വൈ ഫൈ റോമിംഗ് സർവീസ് ലഭിക്കാൻ മുൻകൂട്ടി രജിസ്റ്റർ ചെയ്യേണതുണ്ട്. നാഷണൽ വൈ-ഫൈ റോമിംഗ് നിലവിലെ നിങ്ങളുടെ ബിഎസ്എൻഎൽ എഫ്ടിടിഎച്ച് കണക്ഷനിൽ ലഭ്യമാണ്. നാഷണൽ വൈ-ഫൈ റോമിംഗ് ലഭിക്കാൻ പുതിയ കണക്ഷൻ എടുക്കണമെന്നില്ല. ലിങ്കിൽ ക്ലിക്ക് ചെയ്ത് എഫ്ടിടിഎച്ച് നമ്പറും കണക്ഷൻ രജിസ്റ്റർ ചെയ്ത മൊബൈൽ നമ്പറും കോഡും നൽകിയാണ് ബിഎസ്എൻഎൽ വൈ-ഫൈ റോമിംഗിനായി അപേക്ഷിക്കേണ്ടത്.
Discussion about this post