മലപ്പുറം: യുവതിയുടെ നഗ്നചിത്രങ്ങൾ പകർത്തി കാമുകന് അയച്ച് നൽകിയ പ്രതി അറസ്റ്റിൽ. മാറഞ്ചേരി സ്വദേശി ഉഷ ആണ് അറസ്റ്റിലായത്. വെള്ളിയങ്കോട്ടെ പ്രസവ പരിചരണ കേന്ദ്രത്തിലെ ജീവനക്കാരിയാണ് ഉഷ.
കഴിഞ്ഞ ദിവസം ആയിരുന്നു സംഭവം. പ്രസവ ശേഷം പരിചരണത്തിനായി കേന്ദ്രത്തിൽ എത്തിയ യുവതിയുടെ ദൃശ്യങ്ങളാണ് യുവതി പകർത്തിയത്. ഫോണിൽ പകർത്തിയ നഗ്ന ചിത്രങ്ങൾ ഉഷ വിദേശത്തുള്ള കാമുകന് അയച്ച് നൽകുകയായിരുന്നു. ശരീരത്തിൽ കുഴമ്പ് തേച്ച് കിടക്കുന്ന യുവതിയുടെ ചിത്രങ്ങളാണ് അയച്ച് നൽകിയത്.
യുവതിയുടെ ദൃശ്യങ്ങൾ ഫോണിൽ പകർത്തുന്നത് അവിടെയെത്തിയ മറ്റൊരു സ്ത്രീ കണ്ടിരുന്നു. തുടർന്ന് യുവതിയുടെ ബന്ധുക്കളെ ഇക്കാര്യം അറിയിക്കുകയായിരുന്നു. തുടർന്ന് നടത്തിയ പരിശോധനയിൽ സംഭവം സത്യമാണെന്ന് തിരിച്ചറിയുകയായിരുന്നു. ഇവരുടെ ഫോണിൽ നിന്ന് തെളിവ് കണ്ടെത്തിയതോടെ പരാതിയും നൽകി. ഇതോടെ പോലീസ് എത്തി അറസ്റ്റ് രേഖപ്പെടുത്തുകയായിരുന്നു. ഉഷയുടെ മൊബൈൽ ഫോണും കസ്റ്റഡിയിൽ എടുത്തു.
മൊബൈൽ ഫോൺ കോടതിയിൽ ഹാജരാക്കിയിട്ടുണ്ട്. സംഭവത്തിൽ യുവതിയ്ക്ക് പുറമേ കാമുകനെതിരേയും കേസെടുത്തിട്ടുണ്ട്.
Discussion about this post