ആരാധകർ കത്തിരിക്കുന്ന വിവാഹമാണ് നടൻ നാഗചൈതന്യയുടേതും നടി ശോഭിത ധുലിപാലയുടേതും. ഡിസംബർ നാലിനാണ് ഇരുവരുടെയും കല്യാണം. കല്യാണ വീഡിയോ ഒടിടിയിൽ എത്തുമെന്നുള്ള വാർത്തകൾ ഇിനോടകം വന്നിരുന്നു. ഇപ്പോഴിതാ താരവിവാഹത്തിന്റെ വീഡിയോ നെറ്റ്ഫ്ളിക്സ് വലിയ തുക നൽകി വാങ്ങി എന്ന റിപ്പോർട്ടുകളാണ് പുറത്തുവരുന്നത്.
ട്രേഡ് അനലിസ്റ്റ് മനോബാല വിജയബാലനെ ഉദ്ധരിച്ച് ദേശീയ മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. എന്നാൽ ഇക്കാര്യത്തിൽ നാഗചൈതന്യയോ ശോഭിതയോ ഔദ്യോഗികമായി പ്രതികരിച്ചിട്ടില്ല.
വാർത്തകൾ വരുന്നത് ശരിയാണെങ്കിൽ വിവാഹ വീഡിയോയുടെ അവകാശം നെറ്റ്ഫ്ളിക്സിന് വിൽക്കുന്ന രണ്ടാമത്തെ തെന്നിന്ത്യൻ താരമാണ് നാഗചൈതന്യ. നേരത്തെ നയൻതാരയുടെ വിവാഹദൃശ്യങ്ങൾ റിലീസ് ചെയ്തിരുന്നു. വീഡിയോ 25 കോടി രൂപയ്ക്കാണ് നെറ്റ്ഫിള്ക്സ് സ്വന്തമാക്കിയിരുന്നത്. എന്നാൽ നാഗചൈതന്യ-ശോഭിത ധുലിപാല വിവാഹ വീഡിയോയ്ക്കായി 50 കോടിയാണ് നെറ്റ്ഫ്ളിക്സ് ചെലവിട്ടതെന്നാണ് റിപ്പോർട്ടുകൾ. അതായത് നയൻതാരക്ക് ലഭിച്ചതിന്റെ ഇരട്ടി.
നാഗചൈതന്യയുടെ രണ്ടാം വിവാഹമാണ് ഇത്. നേരത്തെ നടി സമാന്തയെ വിവാഹം ചെയ്ത നാഗചൈതന്യ വിവാഹമോചനം നേടിയിരുന്നു.
Discussion about this post