മുംബൈ; പെട്രോൾ-ഡീസൽ വാഹനങ്ങൾക്ക് പകരം ഇലക്ട്രിക് കാറുകൾ വ്യാപകമായി ഉപയോഗിച്ച് വരുന്ന പ്രവണതയാണ് അടുത്തകാലത്തായി ഉള്ളത്. എന്നാൽ മൈജേലും ബജറ്റും തട്ടിച്ചുനോക്കുമ്പോൾ സാധാരണക്കാരന് അപ്പോഴും ഇലക്ട്രിക് കാറെന്നത് അൽപ്പം ദൂരെയുള്ള സ്വപ്‌നം തന്നെയായിരുന്നു. എന്നാൽ
കഴിഞ്ഞ വർഷം ചൈനീസ് വാഹന ബ്രാൻഡായ ഫസ്റ്റ് ഓട്ടോ വർക്ക്‌സ് (എഫ്എഡബ്ല്യു) ഒരു ചെറിയ ഇലക്ട്രിക് കാർ പുറത്തിറക്കിയിരുന്നു. ബെസ്റ്റ്യൂൺ ബ്രാൻഡിന് കീഴിൽ കമ്പനി പുറത്തിറക്കിയ ഷിയോമ സ്‌മോൾ ഇലക്ട്രിക് കാർ ഉപയോഗിച്ച് കമ്പനി മൈക്രോ-ഇവി സെഗ്മെന്റിലെ വിഹിതം വർദ്ധിപ്പിക്കാൻ ആഗ്രഹിക്കുന്നു.
30,000 മുതൽ 50,000 യുവാൻ (ഏകദേശം 3.47 ലക്ഷം മുതൽ 5.78 ലക്ഷം രൂപ) വരെയാണ് ബെസ്റ്റിയൂൺ ഷയോമയുടെ വില. ഉടൻ തന്നെ ഇത് ഇന്ത്യൻ വിപണിയിലും എത്തിക്കുമെന്നാണ് പ്രതീക്ഷിക്കുന്നത്.2023 ഏപ്രിലിൽ നടന്ന ഷാങ്ഹായ് ഓട്ടോ ഷോയിലാണ് FAW ബെസ്റ്റ്യൂൺ ഷയോമ അവതരിപ്പിച്ചത്. അതിന്റെ ഹാർഡ്ടോപ്പ്, കൺവേർട്ടിബിൾ വേരിയന്റുകൾ കമ്പനി അവതരിപ്പിച്ചിരുന്നു. നിലവിൽ ഹാർഡ്ടോപ്പ് വേരിയന്റാണ് വിൽക്കുന്നത്. കൺവേർട്ടബിൾ വേരിയന്റ് ഭാവിയിൽ വിൽപ്പനയ്ക്ക് കൊണ്ടുവരുമോ ഇല്ലയോ എന്ന് തീരുമാനിച്ചിട്ടില്ല. 7 ഇഞ്ച് യൂണിറ്റായ ടച്ച്സ്‌ക്രീൻ ഇൻഫോടെയ്ൻമെന്റും ഈ കാറിലുണ്ട്. ഡാഷ്ബോർഡിന് ആകർഷകമായ ഡ്യുവൽ-ടോൺ തീം ലഭിക്കുന്നു. ഒരു ആനിമേഷൻ ഫിലിമിൽ നിന്ന് നേരിട്ട് കാണുന്ന ഡ്യൂവൽ-ടോൺ കളർ സ്‌കീമാണ് ഷയോമ സ്‌പോർട്‌സ്. കൂടുതൽ ആകർഷകമായ പ്രൊഫൈലിനായി വൃത്താകൃതിയിലുള്ള കോണുകളുള്ള വലിയ ചതുര ഹെഡ്ലാമ്പുകൾ ഇതിലുണ്ട്. റേഞ്ച് വർദ്ധിപ്പിക്കാൻ ഉപയോഗപ്രദമാകുന്ന എയറോഡൈനാമിക് വീലുകളാണ് ഷയോമ ഉപയോഗിക്കുന്നത്.
എഫ്എംഇ പ്ലാറ്റ്ഫോമിന് A1, A2 എന്നിങ്ങനെ രണ്ട് ഉപ-പ്ലാറ്റ്ഫോമുകളുണ്ട്. 2700-2850 മില്ലിമീറ്റർ വീൽബേസ് ഉള്ള സബ് കോംപാക്റ്റുകളും കോംപാക്റ്റുകളും A1 സബ് പ്ലാറ്റ്ഫോം നൽകുന്നു. 2700-3000 എംഎം വീൽബേസ് ഉള്ള കാറുകൾക്കാണ് A2 ഉപയോഗിക്കുന്നത്. ഇവിക്ക് 800 കിലോമീറ്ററും എക്‌സ്റ്റെൻഡറിന് 1200 കിലോമീറ്ററുമാണ് റേഞ്ച്. ലിഥിയം-അയൺ ഫോസ്‌ഫേറ്റ് (LFP) യൂണിറ്റാണ് ഉപയോഗിച്ചിരിക്കുന്ന ബാറ്ററി. പവർട്രെയിനിനെക്കുറിച്ചുള്ള കൂടുതൽ വിവരങ്ങൾ ഇതുവരെ വെളിപ്പെടുത്തിയിട്ടില്ല. സുരക്ഷയുടെ കാര്യത്തിൽ, ബെസ്റ്റ്യുൺ ഷവോമിയിൽ ഡ്രൈവർ സൈഡ് എയർബാഗ് ലഭ്യമാണ്
