കടലില് ഇനിയും കണ്ടെത്താത്ത അപൂര്വ്വജീവികളുണ്ടെന്നാണ് നിഗമനം. ഇപ്പോഴിതാ അത്തരത്തിലൊന്നിന് പുറകേയാണ് ശാസ്ത്രലോകം. അതാണു പാരപ്പല്ലന് തിമിംഗലം അഥവാ സ്പേഡ് ടൂത്ത്ഡ് തിമിംഗലം. ഇവയെ വളരെ അപൂര്വ്വമായി മാത്രമേ കാണാറുള്ളൂ. ഈ തിമിംഗലത്തെ വിശദമായി പഠിക്കാനൊരുങ്ങുകയാണു ന്യൂസീലന്ഡിലെ ഒരു സംഘം ശാസ്ത്രജ്ഞര്. ന്യൂസീലന്ഡിലെ മാവോറി വിഭാഗക്കാരുടെ സഹകരണത്തോടെയാണു പഠനം നടത്തുന്നത്. മാവോറികള്ക്ക ഈ് തിമിംഗലങ്ങള് ദിവ്യമൃഗങ്ങളാണ്.
35 വര്ഷമായി കൊക്കുള്ള തിമിംഗലങ്ങളെപ്പറ്റി ഗവേഷണം നടത്തുന്ന ആന്റണ് വാന് ഹെല്ഡന് എന്ന ശാസ്ത്രജ്ഞനാണു പഠനത്തിനു പിന്നില്. വേല് സ്ട്രാന്ഡിങ് എന്ന പ്രതിഭാസം പലപ്പോഴും ഉണ്ടായിട്ടുള്ള രാജ്യമാണു ന്യൂസീലന്ഡ്. 1840 മുതല് ഇന്നുവരെയുള്ള കാലയളവില് ഏകദേശം 5000 തവണ ഈ പ്രതിഭാസം ഉടലെടുത്തിട്ടുണ്ട്. കൃത്യമായ വിവരങ്ങള് അറിയില്ലെങ്കിലും ഇവ പസിഫിക് സമുദ്രത്തിന്റെ ആഴമേഖലകളിലാണ് താമസമെന്നാണ് ഗവേഷഖരുടെ അനുമാനം.
ഇതിനു മുന്പ് വെറും 6 സ്പേഡ് ടൂത്ത്ഡ് തിമിംഗലങ്ങളെ മാത്രമാണു കണ്ടെത്തിയിട്ടുള്ളത്. ആദ്യമായി ഇവയെ കണ്ടെത്തിയത് 1872ല് ന്യൂസീലന്ഡിലെ പിറ്റ് ദ്വീപിനു സമീപമാണ്. 1950ല് മറ്റൊരു ദ്വീപിലും 1986ല് ചിലെയിലെ റോബിന്സന് ക്രൂസോ ദ്വീപിലും ഇവയുടെ രണ്ട് അവശിഷ്ടങ്ങള് കൂടി കിട്ടി. ജനിതക പരിശോധനയിലൂടെയാണ് ഇവയെല്ലാം ഒരേ ജീവിവര്ഗമാണെന്ന് ഉറപ്പിക്കുകയായിരുന്നു.
കഴിഞ്ഞവര്ഷം തായ്ലന്ഡിലെ ഫൂക്കെറ്റില് വെളുത്ത ഒമൂറ തിമിംഗലത്തെ കണ്ടെത്തിയതും വലിയ ശ്രദ്ധ നേടിയിരുന്നു. ഒമൂറ തിമിംഗലങ്ങള് പൊതുവേ നീണ്ടു മെലിഞ്ഞവയാണ്. ഒറ്റയ്ക്കോ കൂട്ടമായോ ആണ് ഇവ സഞ്ചരിക്കുക. വളരെ പതുക്കെയുള്ള ശബ്ദത്തില് ഇവ പാട്ടുപാടാറുണ്ട്. ഇവയെക്കുറിച്ച് വലിയ പഠനങ്ങള് നടന്നിട്ടില്ല. അതും ഇതിനൊപ്പം കൊണ്ടുപോകാനാണ് ഗവേഷകര് ശ്രമിക്കുന്നത്.
Discussion about this post