ഇനി കുറച്ച് നാളുകൾ കൂടി കഴിഞ്ഞാൽ ആഘോഷങ്ങളുടെ കാലമാണ്…ക്രിസ്തുമസ്,ന്യൂയർ അത് കഴിഞ്ഞാൽ ഉത്സവങ്ങൾ..നമ്മുടെ നാട്ടിൽ മാത്രമല്ല.. കടൽ കടന്നാൽ വരെ ഇനി ഉത്സവങ്ങളുടെ മേളമാണ്. സംസ്‌കാരവും ഭാഷയും ദേശവും മാറുന്നതിന് അനുസരിച്ച് ഉത്സവങ്ങളുടെ രൂപത്തിലും ഭാവത്തിലും വരെ വ്യത്യാസം ഉണ്ടാകാം. അത്തരത്തിൽ ഏറെ ജനപ്രീതിയുള്ള ഉത്സവമാണ് ജപ്പാനിൽ നടക്കുന്ന ഹഡക മത്സൂരി ഉത്സവം. 1300 വർഷത്തിലധികം പഴക്കമുള്ള ഉത്സവമാണിത്. രാജ്യത്തെ ഐച്ചി പ്രിഫെക്ചറിലെ ഇനാസാവയിലുള്ള കൊനോമിയ ദേവാലയത്തിൽ നടക്കുന്ന ഈ ഉത്സവം പ്രശസ്തമായത് അതിന്റെ ആചാരങ്ങളാലാണ്. നഗ്നതയാണ് ഈ ഉത്സവത്തിന്റെ പ്രത്യേകത. അരമറയ്ക്കുന്ന ഫോണ്ടോഷിയും ടാബി എന്ന വെള്ള സോക്‌സും മാത്രമാണ് ഉത്സവസമയത്ത് ധരിക്കുക. പുരുഷന്മാർ മാത്രമാണ് ഇതിൽ സാധാരണ പങ്കെടുക്കാറുള്ളത്.
ജപ്പാനിലെ ഏറ്റവും വിചിത്രമായ ചടങ്ങുകളിലൊന്നായി കണക്കാക്കപ്പെടുന്ന ഉത്സവമാണ് സോമിൻസായി. ജാസ്സോ, ജോയസ (‘തിന്മ, പോയി’) എന്ന വികാരാധീനമായ ഗാനങ്ങൾ ആലപിച്ചുകൊണ്ടാണ് ഈ ചടങ്ങുകളിൽ ആളുകൾ പങ്കെടുക്കുക.ഉത്സവത്തിൻറെ ഭാഗമായി അന്നേദിവസം നഗ്‌നരായ പുരുഷന്മാർ തണുത്തുറഞ്ഞ താപനിലയിൽ തെരുവുകളിലൂടെ നടക്കും. ഈ സമയം കാഴ്ചക്കാരായി കൂടിനിൽക്കുന്നവർ അവരുടെ ശരീരത്തിലേക്ക് തണുത്ത വെള്ളം ഒഴിക്കും. ഈ സമയമത്രയും ചടങ്ങിൽ പങ്കെടുക്കുന്ന പുരുഷന്മാർ ജാസ്സോ, ജോയസ (‘തിന്മ, പോയി’) എന്ന ഗാനം ആലപിച്ചുകൊണ്ടേയിരിക്കും.
ആചാരങ്ങളുടെ ഭാഗമായി ക്ഷേത്രത്തിലെ പുരോഹിതൻ രണ്ട് ഭാഗ്യ ദണ്ഡുകളും 100 ബണ്ടിൽ മരച്ചില്ലകളും വലിച്ചെറിയുന്നു. ഇവ കണ്ടെത്തുന്നവർക്ക് ഭാഗ്യം കൈവരുമെന്നാണ് പ്രധാന വിശ്വാസം. ഭാഗ്യ വിറകുകൾ കണ്ടെത്താനുള്ള മത്സരത്തിൽ പിടിവലി കൂടി പുരുഷൻമാർക്ക് പരിക്കേൽക്കുന്നതും സർവ്വ സാധാരണമാണ്. ജപ്പാൻകാർ മാത്രമല്ല ലോകത്തിന്റെ വിവിധ ഭാഗങ്ങളിൽ നിന്നുള്ള നിരവധി പേരും ഹഡക മാത്സുരിയുടെ ഭാഗമാകാറുണ്ട്.
ഉത്സവം ജനപ്രിയമാണെങ്കിലും യുവാക്കൾ നഗരങ്ങളിലേക്ക് കുടിയേറിയതോടെ പങ്കെടുക്കുന്നവരുടെ എണ്ണത്തിൽ വലിയ ഇടിവാണ് ഉണ്ടായിരിക്കുന്നത്. സ്ഥിരമായി പങ്കെടുത്തിരുന്നവർ വൃദ്ധരായി കഴിഞ്ഞു. അതിനാൽ അടുത്തവർഷം ഉത്സവത്തിൽ നഗ്നരായി എചത്തിയുള്ള ആചാരങ്ങൾ ഒഴിവാക്കാനുള്ള ആലോചനയുണ്ട്. പകരം പ്രാർത്ഥനാ ചടങ്ങുകളും ആത്മീയ ആചാരങ്ങളും മാത്രമാകും നടക്കുക. സ്ത്രീകൾക്ക് ഈ ഉത്സവ ചടങ്ങുകളിലേക്ക് പ്രവേശനം നിഷേധിച്ചിരുന്നെങ്കിലും ഉത്സവം നടത്തികൊണ്ട് പോകാനായി ഇടയ്ക്ക് സ്ത്രീകളെയും ഉത്സവത്തിൽ പങ്കെടുപ്പിച്ചിരുന്നു. എന്നാൽ ആ പദ്ധതിയും ലക്ഷ്യം കണ്ടില്ല. അടുത്തവർഷം ഫെബ്രുവരി 10 നാണ് ഉത്സവം നടക്കുകയെന്നാണ് റിപ്പോർട്ട്,
Discussion about this post