യുകെയിലെമ്പാടുമായി 85ഓളം ശരിഅത്ത് കോടതികള്‍ പ്രവര്‍ത്തിക്കുന്നുവെന്ന് റിപ്പോര്‍ട്ട്. പാശ്ചാത്യലോകത്തെ ഇസ്ലാമിക നിയമങ്ങളുടെ തലസ്ഥാനമായി ബ്രിട്ടന്‍ ഉയര്‍ന്നുവരുന്നതായി യുകെയിലെ ചില മാധ്യമങ്ങള്‍ റിപ്പോര്‍ട്ടു ചെയ്യുന്നു. യൂറോപ്പില്‍ നിന്നും വടക്കേ അമേരിക്കയില്‍ നിന്നുമുള്ള മുസ്ലീങ്ങള്‍ വിവാഹം മറ്റ് കുടുംബപരമായ കാര്യങ്ങള്‍ എന്നിവ തേടി ഇവിടേക്കാണ് എത്തുന്നതെന്ന് യുകെ ദിനപത്രമായ ടൈംസിനെ ഉദ്ധരിച്ച് ഇന്ത്യ ടുഡെ റിപ്പോര്‍ട്ട് ചെയ്യുന്നു. ഒരു സമാന്തര നിയമവ്യവസ്ഥയായി ഇത് ഉയര്‍ന്നുവരുന്നതില്‍ യുകെയിലെ നാഷണല്‍ സെക്യുലര്‍ സൊസൈറ്റി ആശങ്ക പ്രകടിപ്പിക്കുന്നതായും റിപ്പോര്‍ട്ടില്‍ പറയുന്നു.
നിക്കാഹ് മുത്തലാഖ്, വിവാദമായ സ്ത്രീവിരുദ്ധ ആശയങ്ങള്‍ എന്നിവയെല്ലാം ഇത്തരം ശരിഅത്ത് കൗണ്‍സിലുകള്‍ പ്രോത്സാഹിപ്പിക്കുന്നതായും ആരോപണമുണ്ട്. വിവാഹം, തലാഖ്(ഭര്‍ത്താവ് നല്‍കുന്ന വിവാഹമോചനം), ഖുല(ഭാര്യ നല്‍കുന്ന വിവാഹമോചനം) തുടങ്ങിയ സേവനങ്ങള്‍ കിഴക്കന്‍ ലണ്ടനിലെ ലെയ്റ്റണ്‍ ആസ്ഥാനമായി പ്രവര്‍ത്തിക്കുന്ന ഇസ്ലാമിക് ശരിയ കൗണ്‍സില്‍ ഓഫ് ഗ്രേറ്റ് ബ്രിട്ടണ്‍ ആന്‍ഡ് നോര്‍ത്തേണ്‍ അയര്‍ലണ്ട് രജിസ്റ്റര്‍ ചെയ്തിരിക്കുന്നത്.
ഇംഗ്ലണ്ടിലും വെയില്‍സിലുമുള്ള മുസ്ലീങ്ങള്‍ക്ക് വേണ്ടി ഇസ്ലാമിക നിയമങ്ങള്‍ തയ്യാറാക്കുന്ന ഒരു ആപ്ലിക്കേഷനുണ്ട്. ഇതില്‍ പുരുഷന്മാര്‍ക്ക് ഒരു ഡ്രോപ്-ഡൗണ്‍ മെനുവില്‍ നിന്ന് എത്ര ഭാര്യമാരുമെന്ന് തിരഞ്ഞെടുക്കാവുന്നതാണ്. ഒന്ന് മുതല്‍ നാല് ഭാര്യമാരെ വരെ ഒരു മുസ്ലിം പുരുഷന് ഇത്തരത്തില്‍ തിരഞ്ഞെടുക്കാം. ഇത് ശരിഅത്ത് കോടതിയും അംഗീകരിച്ചതാണെന്ന് ടൈംസ് റിപ്പോര്‍ട്ടു ചെയ്യുന്നു.
അതേസമയം, മതേതരത്വം പ്രോത്സാഹിപ്പിക്കുന്ന സംവിധാനമായ നാഷണല്‍ സെക്യുലാര്‍ സൊസൈറ്റി ബ്രിട്ടനില്‍ സമാന്തരമായ നിയമവ്യവസ്ഥ ഉയര്‍ന്നു വരുന്നതില്‍ ആശങ്ക പ്രകടിപ്പിച്ചിട്ടുണ്ട്. സ്ത്രീകളുടെയും കുട്ടികളുടെയും അവകാശങ്ങളെ ഇത് പ്രതികൂലമായി ബാധിക്കുമെന്ന് അദ്ദേഹം കൂട്ടിച്ചേര്‍ത്തു.
Discussion about this post