കണ്ണൂർ: പീഡന പരാതിയിൽ ജിജോ തില്ലങ്കേരി കസ്റ്റഡിയിൽ. മുഴക്കുന്ന് പോലീസാണ് ജിജോയെ കസ്റ്റഡിയിൽ എടുത്തത്. ഷുഹൈബ് വധക്കേസ് പ്രതി ആകാശ് തില്ലങ്കേരിയുടെ കൂട്ടാളിയാണ് ജിജോ തില്ലങ്കേരി.
പട്ടികജാതിക്കാരിയായ യുവതിയെ പീഡിപ്പിക്കാൻ ശ്രമിച്ചു എന്നാണ് ജിജോയ്‌ക്കെതിരായ കേസ്. കഴിഞ്ഞ മാസം 19 ന് ആയിരുന്നു സംഭവം. ഇതിന് പിന്നാലെ യുവതി പോലീസിനെ സമീപിക്കുകയായിരുന്നു. മുഴക്കുന്ന് പോലീസിലാണ് യുവതി പരാതി നൽകിയത്.
രണ്ട് മക്കളുടെ അമ്മയാണ് യുവതി. പീഡന വിവരം പുറത്ത് പറഞ്ഞാൽ മക്കളെ അപായപ്പെടുത്തുമെന്ന് ജിജോ ഭീഷണിപ്പെടുത്തിയിരുന്നു. ഇതേ തുടർന്ന് ആയിരുന്നു യുവതി പരാതി നൽകാൻ വൈകിയത്.
Discussion about this post