അരവിന്ദം ദേശീയ ഷോർട്ട് ഫിലിം ഫെസ്റ്റിവൽ: എൻട്രികൾക്കുള്ള സമയപരിധി നീട്ടി

കോട്ടയം: തമ്പ് ഫിലിം സൊസൈറ്റിയുടെ ആഭിമുഖ്യത്തിൽ 2025 മാർച്ച് 14, 15, 16 തീയതികളിൽ കോട്ടയത്ത് നടക്കുന്ന അരവിന്ദം ദേശീയ ഷോർട്ട് ഫിലിം ഫെസ്റ്റിവലിൻ്റെ എൻട്രികൾ സമർപ്പിക്കേണ്ട അവസാന തീയതി 2025 ജനുവരി 21 വരെ നീട്ടിയതായ് സംഘാടകർ അറിയിച്ചു.

2024 ഡിസംബർ 30 ആയിരുന്നു സമർപ്പിക്കാനുള്ള അവസാന തീയതി. എന്നിരുന്നാലും, ചില ഉത്തരേന്ത്യൻ സംസ്ഥാനങ്ങളിൽ മത്സരത്തിൻ്റെ നോട്ടിഫിക്കേഷൻ വൈകിയാണ് എത്തിയത് എന്ന കാരണത്താൽ, ചില ഷോർട്ട് ഫിലിം നിർമ്മാതാക്കൾ തങ്ങളുടെ എൻട്രികൾ സമർപ്പിക്കാൻ അധിക സമയം അഭ്യർത്ഥിച്ചു. കൂടാതെ, പ്രശസ്ത സംവിധായകൻ ജി. അരവിന്ദൻ്റെ 90-ാം ജന്മദിനം 2025 ജനുവരി 21നാണ് എന്നതുകൂടി പരിഗണിച്ചാണ് ഷോട്ട് ഫിലിം സമർപ്പിക്കുന്നതിനുള്ള സമയപരിധി നീട്ടാൻ ഫെസ്റ്റിവൽ കമ്മിറ്റി തീരുമാനിച്ചത്.

30 മിനിറ്റോ അതിൽ താഴെയോ ദൈർഖ്യമുള്ള ഷോർട്ട് ഫിലിമുകൾക്കാണ് മത്സരത്തിന് അർഹത.

മത്സരം രണ്ട് വിഭാഗങ്ങളായി തിരിച്ചിരിക്കുന്നു:
1. പൊതുവിഭാഗം
2. കാമ്പസ് വിഭാഗം

ഇനിപ്പറയുന്നവയ്ക്ക് രണ്ട് വിഭാഗങ്ങളിലും വെവ്വേറെ അവാർഡുകൾ നൽകും:
– മികച്ച സിനിമ
– മികച്ച നടൻ
– മികച്ച നടി
– മികച്ച സംവിധാനം
– മികച്ച ഛായാഗ്രഹണം
– മികച്ച എഡിറ്റിംഗ്
– മികച്ച തിരക്കഥ

അരവിന്ദം നാഷണൽ ഷോർട്ട് ഫിലിം ഫെസ്റ്റിവൽ ഷോർട്ട് ഫിലിം ഇൻഡസ്‌ട്രിയിലെ ഏറ്റവും മികച്ച സമ്മാനത്തുകകൾ വാഗ്ദാനം ചെയ്യുന്നു.

-പൊതുവിഭാഗത്തിൽ, അവാർഡ് ജേതാക്കൾ ഒരോരുത്തർക്കും ₹1,00,000 രൂപയും പ്രശസ്തിപത്രവും ശിൽപവും ലഭിക്കും.

കാമ്പസ് വിഭാഗത്തിൽ, അവാർഡ് ജേതാക്കൾ ഓരോരുത്തർക്കും ₹50,000 രൂപയും പ്രശസ്തിപത്രവും, ശിൽപവുംലഭിക്കും.

സാമൂഹിക പ്രതിബദ്ധയ്ക്കുള്ള അവാർഡ്
തന്നിരിക്കുന്ന വിഷയങ്ങളിൽ സമർപ്പിക്കപ്പെടുന്ന ഷോർട്ട് ഫിലിമുകളിൽ മികച്ച ഒരു ചിത്രത്തിന് സാമൂഹ്യ പ്രതിബദ്ധതയ്ക്കുള്ള പ്രത്യേക അവാർഡ്, ₹1,00,000 രൂപയും, പ്രശസ്തിപത്രവും , ശിൽപവും സമ്മാനിക്കും.

മത്സരത്തിനുള്ള തീമുകൾ :
1. കുടുംബ ഉണർവ്
2. പൗരബോധത്തിലൂടെ ഉത്തരവാദിത്തമുള്ള പൗരത്വം
3. സാമൂഹിക ഐക്യം
4. പരിസ്ഥിതി സംരക്ഷണം
5. സ്വത്വ ബോധം

ഫെസ്റ്റിവൽ ഫിനാലെയിലേക്ക് പതിനെട്ട് സിനിമകൾ തിരഞ്ഞെടുക്കപ്പെടും,

തിരഞ്ഞെടുക്കപ്പെടുന്ന 18 ഫൈനലിസ്റ്റുകൾക്കും ₹10,000 ക്യാഷ് അവാർഡും, പ്രശസ്തിപത്രവും, ശിൽപവും ലഭിക്കും.

പൊതുവിഭാഗത്തിന് 1,000 രൂപയാണ് പ്രവേശന ഫീസ്, കാമ്പസ് വിഭാഗത്തിന് പ്രവേശന ഫീസ് ഇല്ല.

2024 ജനുവരി 1 നും 2024 ഡിസംബർ 30 നും ഇടയിൽ റിലീസ് ചെയ്ത ഷോർട് ഫിലുമകൾക്കും റിലീസ് ചെയ്യാത്ത ഷോർട്ട് ഫിലിമുകൾക്കും മത്സരിക്കാം

പ്രശസ്ത സംവിധായകനും ചലച്ചിത്ര നിരൂപകനുമായ ശ്രീ. വിജയ കൃഷ്ണനാണ് അരവിന്ദം ദേശീയ ഷോർട്ട് ഫിലിം ഫെസ്റ്റിവലിൻ്റെ ഡയറക്ടർ. അദ്ദേഹത്തിൻ്റെ നേതൃത്വത്തിൽ, യഥാർത്ഥ മികവിന് അവാർഡുകൾ നൽകുന്നുവെന്ന് ഉറപ്പാക്കാൻ കഴിവുള്ള ഒരു ജൂറിയെ നിയമിക്കും.

ഷോർട്ട് ഫിലിമുകൾ [FilmFreeway](https://filmfreeway.com/Aravindam-25) വഴി അപ്‌ലോഡ് ചെയ്യാം.

കൂടുതൽ വിവരങ്ങൾക്ക്, ബന്ധപ്പെടുക:
– WhatsApp: +91 70128 64173
– ഇമെയിൽ: filmocietythampu@gmail.com
– വെബ്സൈറ്റ്: [www.thampfilmsociety.com](https://www.thampfilmsociety.com)

**സെക്രട്ടറി**
**തമ്പ് ഫിലിം സൊസൈറ്റി, കോട്ടയം**