ടെൽ അവീവ്: ബന്ദികളെ മോചിപ്പിക്കുന്നതിനുള്ള കരാറിന് ഹമാസ് സമ്മതിച്ചില്ലെങ്കിൽ ഗാസയിൽ ഇസ്രായേൽ സൈനിക ആക്രമണങ്ങൾ ശക്തമാക്കുമെന്ന് ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്സ് മുന്നറിയിപ്പ് നൽകി.
ഇസ്രായേലി ബന്ദികളെ മോചിപ്പിക്കാൻ ഹമാസ് അനുമതി നൽകിയില്ലെങ്കിൽ, “ഗാസയിൽ അടുത്തകാലത്തൊന്നും കാണാത്തത്രയും തീവ്രമായ പ്രഹരങ്ങൾ” നിങ്ങൾക്ക് നേരിടേണ്ടിവരുമെന്ന് ഗാലൻ്റ് ഒരു പൊതു പ്രസ്താവനയിൽ പറഞ്ഞു. ബന്ദികളെ മോചിപ്പിക്കുകയും ഹമാസിനെ ഇല്ലാതാക്കുകയും ചെയ്യുന്നത് വരെ ഇസ്രായേൽ സൈന്യം ഗാസയിലെ തീവ്രവാദ ശക്തികേന്ദ്രങ്ങൾക്കെതിരായ പോരാട്ടങ്ങൾ വർദ്ധിപ്പിക്കുകയും തീവ്രമാക്കുകയും ചെയ്യുമെന്ന് അദ്ദേഹം ഊന്നിപ്പറഞ്ഞു.
വെടിനിർത്തൽ തുടരുന്നതുൾപ്പെടെയുള്ള പ്രധാന വിഷയങ്ങളിൽ ഖത്തർ, ഈജിപ്ത്, യുഎസ് എന്നിവയുടെ മധ്യസ്ഥതയിലുള്ള ചർച്ചകൾ സ്തംഭിച്ചിരിക്കുകയാണെന്ന് സിൻഹുവ വാർത്താ ഏജൻസി റിപ്പോർട്ട് ചെയ്തു. വെടിനിർത്തൽ നീട്ടിക്കിട്ടാൻ ഹമാസ് ശ്രമിക്കുമ്പോൾ സുരക്ഷാ ഭീഷണിയുണ്ടെന്ന് ബോധ്യപ്പെട്ടാൽ സൈനിക നടപടി പുനരാരംഭിക്കാനുള്ള അവകാശത്തിൽ ഇസ്രായേൽ ഉറച്ചു നിൽക്കുകയാണ്.
ഗാസയിൽ നിന്ന് ഇസ്രായേൽ സേനയെ പിൻവലിക്കണമെന്ന ഹമാസിൻ്റെ ആവശ്യമാണ് മറ്റൊരു തർക്കവിഷയം, സുരക്ഷാ നിയന്ത്രണം നിലനിർത്താൻ സൈനിക സാന്നിധ്യം തുടരേണ്ടതിൽ നിന്നും ഒരടി പിന്നോട്ട് മാറാൻ ഇസ്രായേൽ തയ്യാറല്ല.
Discussion about this post