എറണാകുളം: താരസംഘടനയായ അമ്മയുടെ കുടുംബസംഗമം ഇന്ന് കൊച്ചിയിൽ നടക്കും. രാവിലെ 9 മണിക്ക് മമ്മൂട്ടിയും മോഹൻലാലും സുരേഷ് ഗോപിയും ചേർന്ന് കുടുംബസംഗമം ഉദ്ഘാടനം ചെയ്യും. സംഘടനയിലെ അംഗങ്ങളുടെ കലാപരിപാടികളും വിവിധ മത്സരങ്ങളും നടക്കും.
സാമ്പത്തികമായി പിന്നാക്കം നിൽക്കുന്ന സംഘടനയിലെ അംഗങ്ങൾക്ക് ജീവൻ രക്ഷാ മരുന്നുകൾ നൽകുന്നതിന് പണം സ്വരൂപിക്കുന്നതിനാണ് പരിപാടി സംഘടിപ്പിച്ചിരിക്കുന്നത്.
അഡ്ഹോക് കമ്മിറ്റിയാണ് കുടുംബസംഗമത്തിന് നേതൃത്വം നൽകുന്നത്. സംഘടനയയുടെ 30 വർഷ ചരിത്രത്തിൽ അംഗങ്ങളും കുടുംബങ്ങളും ആദ്യമായാണ് ഒത്തുചേരുന്നത്. ഹേമ കമ്മിറ്റി റിപ്പോർ‍ട്ടിന്‍റെ പശ്ചാത്തലത്തിൽ നടന്ന ലൈംഗിക പരാതികളുടെ അടിസ്ഥാനത്തില്‍ അമ്മയുടെ ഭരണസമിതി പിരിച്ചുവിട്ടിരുന്നു.
Discussion about this post