തിരുവനന്തപുരം കാരിക്കോണത്ത് തൊഴിലുറപ്പ് ജോലിക്കിടെ വിശ്രമിക്കുകയായിരുന്ന 51കാരന്റെ കഴുത്തില് മൂര്ഖന് പാമ്പ് ചുറ്റിവരിഞ്ഞു. വെള്ളനാട് കടിയൂര്കോണത്തെ സി. ഷാജിയുടെ കഴുത്തിലാണ് പാമ്പ് ഇങ്ങനെ ചുറ്റിയത്. കടിക്കുമോ എന്ന പരിഭ്രാന്തിയിലും രക്ഷപ്പെടാനായി ഇദ്ദേഹം പാമ്പിനെ കൈകൊണ്ടെടുത്ത് വലിച്ചെറിയുകയായിരുന്നു.
ചൊവ്വാഴ്ചയായിരുന്നു ഈ സംഭവം. കാരിക്കോണം സെന്റ് ജോസഫ് പള്ളിക്ക് സമീപമായിരുന്നു ഷാജിക്ക് ജോലി. ഉച്ചയ്ക്ക് ഭക്ഷണം കഴിച്ചശേഷം അല്പ്പമൊന്ന് വിശ്രമിക്കാനായി കിടന്ന ഷാജിക്ക് വൈകാതെ കഴുത്തില് തണുപ്പ് അനുഭവപ്പെട്ടു തുടങ്ങി. ഞെട്ടിയുണര്ന്ന് നോക്കിയപ്പോള് കഴുത്തില് വലിയൊരു മൂര്ഖന് പാമ്പ് ചുറ്റിയിരിക്കുന്നു. ഉടന്തന്നെ അദ്ദേഹം പാമ്പിനെ കൈകൊണ്ട് എടുത്ത് വലിച്ചെറിഞ്ഞു.
ഇതോടെ നിലത്തുവീണ പാമ്പ് പ്രകോപിതനായി ഷാജിക്ക് സമീപമുള്ളവരെ ആക്രമിക്കാന് ഒരുങ്ങിയതോടെ തൊഴിലാളികള് അടിച്ചുകൊല്ലുകയായിരുന്നു. ആള്താമസമില്ലാത്ത കാടുകേറിയ അഞ്ചരയേക്കര് സ്ഥലം തൊഴിലാളികള് വൃത്തിയാക്കുന്നതിനിടയിലാണ് ഈ ഞെട്ടിക്കുന്ന സംഭവം. എന്നാല് മുമ്പ് ചെറിയ പാമ്പുകളെ കണ്ടിട്ടുണ്ടെങ്കിലും മൂര്ഖനുള്ളതായി ശ്രദ്ധയില്പ്പെട്ടില്ലെന്നാണ് തൊഴിലാളികള് പറയുന്നത്.
Discussion about this post