നടക്കുന്നത് ആരോഗ്യത്തിന് വളരെ നല്ലതാണെന്ന് എല്ലാവർക്കും അറിയാം. നമ്മളിൽ ഒട്ട് മിക്ക പേരും മോണിംഗ് വാക്കിനും ഈവനിംഗ് വാക്കിനുമൊക്കെ പോകുന്നവരായിരിക്കും. സാധാരണയായി മുന്നോട്ട് ആണ് നാം നടക്കാറ്. എന്നാൽ മുന്നോട്ട് നടക്കുന്നതിനേക്കാൾ ആരോഗ്യത്തിന് നല്ലത് പിന്നിലോട്ട് നടക്കുന്നത് ആണെന്നാണ് പഠനങ്ങൾ പറയുന്നത്.
ഫിറ്റ്‌നസ് ആഗ്രഹിക്കുന്നവർ മുന്നിലേക്ക് നടക്കുന്നതിന് പകരം പിന്നിലേക്ക് നടക്കുന്നതാണ് ഉത്തമം. കാലിലെ മസിലുകൾ ബലപ്പെടാൻ ഇതുവഴി സഹായകമാകും. പിന്നിലേക്ക് നടക്കുമ്പോൾ തുടകളിലെയും കാലിലെയും മസിലുകൾക്ക് നല്ല രീതിയിൽ തന്നെ അനക്കം സംഭവിക്കുന്നു. ഇത് പേശികൾ ദൃഢമാകുന്നതിന് സഹായിക്കും.
നട്ടെല്ലിന്റെ ആരോഗ്യത്തിന് പിന്നിലേക്ക് നടക്കുന്നത് വളരെ ഗുണകരമാണ്. നടുവേദന അനുഭവിക്കുന്നവർ പുറകിലേക്ക് നടന്ന് ശീലിച്ചാൽ നടുവേദന കുറയും. മുട്ടുവേദന ആർത്രൈറ്റിസ് എന്നിവ കൊണ്ട് ബുദ്ധിമുട്ട് അനുഭവിക്കുന്നവർക്കും ഈ രീതി പരീക്ഷിക്കാവുന്നതാണ്. മുട്ടിലെയും സന്ധികളിലെയും സമ്മർദ്ദം കുറയ്ക്കാൻ പുറകിലേക്ക് നടക്കുന്നത് സഹായിക്കും.
പിന്നിലോട്ട് നടക്കുക എന്നത് അൽപ്പം കഠിനമാണ് എന്നത് നമുക്ക് അറിയാം. നമ്മുടെ തലച്ചോറിനെ സംബന്ധിച്ച് ഈ പ്രക്രിയ എന്നത് ഒരു വെല്ലുവിളിയാണ്. ഇത്തരത്തിൽ നാം ചെയ്യുന്ന പുതിയ കാര്യങ്ങൾ തലച്ചോറിന് ഏറെ ഗുണകരമാണ്. ഭാരം കുറയ്ക്കാൻ ആഗ്രഹിക്കുന്നവർ പിന്നിലോട്ട് നടക്കുന്ന രീതി ശീലമാക്കുന്നത് വളരെ നന്നായിരിക്കും. കലോറി വേഗത്തിൽ കുറയ്ക്കാൻ ഈ രീതി ഉത്തമമാണ്.
Discussion about this post