കൊച്ചി: റിപ്പബ്ലിക് ദിനത്തോനുബന്ധിച്ച് കേരളത്തിലേക്ക് സ്‌പെഷ്യല്‍ ട്രെയിന് പ്രഖ്യാപിച്ച് ദക്ഷിണ റെയില്‍വേ. ചെന്നൈ സെന്‍ട്രലില്‍ നിന്നും തിരുവനന്തപുരം നോര്‍ത്തിലേക്കും തിരിച്ചുമാണ് ട്രെയിന് സര്‍വീസ്. ഇന്ന് രാത്രിയാണ് ചെന്നൈയില്‍ നിന്ന് ട്രെയിന് പുറപ്പെടുക. അവധിയ്ക്ക് കേരളത്തിലേക്ക് വരുന്നവര്‍ക്ക് ഉപയോഗിക്കാന്‍ കഴിയുന്ന ട്രെയിന് സര്‍വീസാണിത്. ഞായറാഴ്ചയാണ് ട്രെയിനിന്റെ മടക്കയാത്ര
ട്രെയിന് നമ്പര്‍ 06057 ചെന്നൈ സെന്‍ട്രല്‍ – തിരുവനന്തപുരം നോര്‍ത്ത് സ്‌പെഷ്യല്‍ ട്രെയിന് ചെന്നൈയില്‍ നിന്ന് ഇന്ന് രാത്രി (ജനുവരി 24, വെള്ളിയാഴ്ച) 11:50ന് പുറപ്പെട്ട് നാളെ വൈകീട്ട് 06:05ന് തിരുവനന്തപുരം നോര്‍ത്തില്‍
എത്തിച്ചേരും. 20 സ്റ്റോപ്പുകളുള്ള ട്രെയിന് കേരളത്തില്‍ മാത്രം 11 സ്റ്റോപ്പുകളാണുള്ളത്.
രാത്രി 11:50 ന് എംജിആര്‍ ചെന്നൈ സെന്‍ട്രലില്‍ നിന്ന് പുറപ്പെടുന്ന ട്രെയിന് 12:05ന് പേരമ്പൂരിലെത്തും. തുടര്‍ന്ന് തിരുവള്ളൂര്‍, അരക്കോണം, കാട്പാഡി, ജോളാര്‍പേട്ടൈ, സേലം, ഈറോഡ്, തിരുപ്പൂര്‍, പൊതനൂര്‍ സ്റ്റേഷനുകള്‍ പിന്നീട്ട് ശനിയാഴ്ച രാവിലെ 09:40നാണ് ട്രെയിന് പാലക്കാട് എത്തുക. തൃശൂര്‍ 10:45, ആലുവ 11:36, എറണാകുളം ടൗണ്‍ 12:10, കോട്ടയം 01:17, ചങ്ങനാശേരി 01:49, തിരുവല്ല 01:59, ചെങ്ങന്നൂര്‍ 02:22, മാവേലിക്കര 03:12, കായംകുളം 03:24, കൊല്ലം 04:00 സ്റ്റേഷനുകള്‍ പിന്നിട്ടാണ് 06:05ന് കൊച്ചുവേളിയിലെത്തുക.
മടക്കയാത്ര ട്രെയിന് നമ്പര്‍ 06058 തിരുവനന്തപുരം നോര്‍ത്ത് – ചെന്നൈ സെന്‍ട്രല്‍ സ്‌പെഷ്യല്‍ സര്‍വീസ് ഞായറാഴ്ച രാത്രി (ജനുവരി 26) 08:20നാണ് പുറപ്പെടുക. തിങ്കളാഴ്ച ഉച്ചയ്ക്ക് 02:00 മണിയ്ക്ക് ചെന്നൈയില്‍ എത്തിച്ചേരുന്ന വിധത്തിലാണ് സര്‍വീസ് ക്രമീകരിച്ചിരിക്കുന്നത്. കൊല്ലം 09:28, കായംകുളം 10:02, മാവേലിക്കര 10:13, ചെങ്ങന്നൂര്‍ 10:26, തിരുവല്ല 10:37, ചങ്ങനാശേരി 10:46, കോട്ടയം 11:07, എറണാകുളം ടൗണ്‍ 12:40, ആലുവ 01:05, തൃശൂര്‍ 02:03 സ്റ്റേഷനുകള്‍ പിന്നിച്ച് പുലര്‍ച്ചെ 03:25ന് ട്രെയിന് പാലക്കാട് എത്തും. തുടര്‍ന്ന് ഈറോഡ് 06:30, സേലം 07:32 തുടങ്ങിയ സ്റ്റേഷനുകള്‍ പിന്നിട്ട് ഉച്ചയ്ക്ക് 02:00 മണിയ്ക്ക് ചെന്നൈ സെന്‍ട്രലില്‍ എത്തിച്ചേരും.
ചെന്നൈയില്‍ നിന്ന് തിരുവന്തപുരത്തേക്ക് സ്ലീപ്പര്‍ കോച്ചിന് 580 രൂപയും ത്രീ ടയര്‍ എസി കോച്ചിന് 1575 രൂപയുമാണ് ടിക്കറ്റ് നിരക്ക്. ചെന്നൈയില്‍ നിന്ന് എറണാകുളത്തേക്കാണ് യാത്രയെങ്കില്‍ സ്ലീപ്പര്‍ ക്ലാസിന് 485 രൂപയും എസി കോച്ചിന് 1315 രൂപയുമാണ് നിരക്ക്.
Discussion about this post