എന്റെ പൊന്നേ..കുതിച്ചുയർന്ന് സ്വർണവില; പുതിയ റെക്കോർഡിലേക്ക്

ന്യൂഡൽഹി: സ്വർണവില റെക്കോർഡുകളും ഭേദിച്ച് കുതിക്കുന്നു. ഔൺസിന് ഒറ്റയടിക്ക് 47 ഡോളറോളം ഉയർന്നു. സർവ്വകാല റെക്കോർഡായ 2,799.09 ഡോളറാണ് ഇപ്പോൾ സ്വർണത്തിന്റെ വില. അധികം വൈകാതെ തന്നെ 2,800 ഡോളറിലേക്ക് സ്വർണ വില എത്തുമെന്നാണ് വിവരം.

രാജ്യാന്തരവില കൂടുന്നതിന് അനുസരിച്ച് കേരളത്തിൽ ഇന്നും സ്വർണവിലകൂടി. ഇന്ന് ഗ്രാമിന് 120 രൂപയും പവന് 960 രൂപയുമാണ് വർദ്ധിച്ചത്. ഇതോടെ ഗ്രാമിന് 7730 രൂപയും പവന് 61,840 രൂപയുമായി.

ഇന്നലെ പവന് 120 രൂപ വർധിച്ച് 60,880 രൂപയായിരുന്നു. 7610 രൂപയായിരുന്നു ഇന്നലത്തെ ഒരുഗ്രാം വില. ജനുവരി ഒന്നിന് 57,200 രൂപയായിരുന്നു സ്വർണവില. 4,640 രൂപയുടെ വർധനയാണ് ഒരുമാസം കൊണ്ട് വർധിച്ചത്.

കഴിഞ്ഞയാഴ്ചയാണ് ചരിത്രത്തിൽ ആദ്യമായി പവന് 60,000 രൂപ കടന്നത്. രാജ്യാന്തര വിപണിയിലെ അനിശ്ചിതത്വം സ്വർണവിലയെ സ്വാധീനിക്കുന്നതായാണ് വിദഗ്ധരുടെ വിലയിരുത്തൽ