ഒരു തവണയല്ല.. പലതവണ തന്റെ ജീവൻ വെടിയാനുള്ള ശ്രമം…ഒടുവിൽ തന്റെ പ്രിയതമയ്ക്ക് പിന്നാലെ സജീറും ഈ ലോകത്തോട് വിട പറഞ്ഞു. നിക്കാഹ് നടന്നതിന് പിന്നാലെ ഷൈമ എന്ന പതിനെട്ടുകാരി ആത്മഹത്യ ചെയ്തതിന് ദിവസങ്ങൾക്കകമാണ് അയൽവാസിയായ സജീറിനെ ഇന്ന് തൂങ്ങി മരിച്ച നിലയിൽ കണ്ടെത്തിയത്.
ഷൈമയുടെ ആത്മഹത്യയെ കുറിച്ച് അറിഞ്ഞതിന് പിന്നാലെ തന്നെ സജീർ കൈ ഞരമ്പ് മുറിച്ച് ആത്മഹത്യക്ക് ശ്രമിച്ചിരുന്നു. എന്നാൽ, കുടുംബം സജീറിനെ ആശുപത്രിയിൽ പ്രവേശിപ്പിച്ചു. വൈകാതെ തന്നെ ചികിത്സ കഴിഞ്ഞ് സജീർ വീട്ടിൽ തിരികെയെത്തിയെങ്കിലും വീട്ടിലെ ശുചിമുറി കഴുകാനുപയോഗിക്കുന്ന ലോഷൻ കുടിച്ച് വീണ്ടും ആത്മഹത്യയ്ക്ക് ശ്രമിച്ചു. വീണ്ടും ആശുപത്രിയിലായ സജീറിനെ ചികിത്സയിലിരിക്കെയാണ് കാണാതായത്. പിന്നീട് നടത്തിയ തിരച്ചിലിലാണ് എടവണ്ണ പുകമണ്ണിൽ തൂങ്ങിമരിച്ച നിലയിൽ കണ്ടെത്തിയത്.
മരിക്കുന്നതിന് തൊട്ട് മുമ്പ് െൈഷമയുമൊത്തുള്ള ചിത്രം സജീർ സമൂഹ മാദ്ധ്യമത്തിൽ സ്റ്റാറ്റസ് ഇട്ടിരുന്നു. ‘എന്റെ മാലാഖ’ എന്ന് കുറിച്ചുകൊണ്ടാണ് സജീർ ഫോട്ടോ പോസ്റ്റ് ചെയ്തിരിക്കുന്നത്. ഏറെ നാളുകളായി ഇഷ്ടത്തിലായിരുന്ന ഇരുവർക്കും വിവാഹം ചെയ്ത് ഒരുമിച്ച് ജീവിക്കണമെന്നായിരുന്നു ആഗ്രഹം. എന്നാൽ, ഇതിനിടെയാണ് വീട്ടുകാർ ഷൈമയുടെ വിവാഹം നിർബന്ധപൂർവം നടത്തിയത്. ഷൈമയുടെ സമ്മതമില്ലാതെയായിരുന്നു നിക്കാഹ്. ജനുവരി അവസാനം മതാചാരപ്രകാരമുള്ള ചടങ്ങ് നടത്തിയെങ്കിലും ഭർത്താവിന്റെ വീട്ടിലേക്ക് ഷൈമയെ കൂട്ടിക്കൊണ്ടു പോയിരുന്നില്ല. ഇതിന് പിന്നാലെയാണ് ഷൈമയെ തൂങ്ങി മരിച്ച നിലയിൽ കണ്ടെത്തിയത്.
Discussion about this post