ഹസ്തദാനം നടത്താൻ കൈ നീട്ടി അബദ്ധം പറ്റി എയറിലായ താരങ്ങൾക്ക് ഇനി കുറച്ച് നാൾക്ക് വിശ്രമിക്കാം . അവരെയെല്ലാം വെട്ടിച്ച് പുതിയ എൻട്രിയിലേക്ക് എത്തിയിരിക്കുകയാണ് നടൻ ധ്യാൻ ശ്രീനിവാസൻ .
ഒരു ഉദ്ഘാടന ചടങ്ങിനെത്തിയതായിരുന്നു നടൻ. താരം മുറിക്കേണ്ട നാടയുടെ അടുത്തെത്തിയപ്പോൾ ഫോട്ടോയെടുക്കാനുള്ള സൗകര്യത്തിനായി ഫോട്ടോഗ്രാഫർമാർ നാടയുടെ അടിയിൽ കൂടി കുനിഞ്ഞ് അകത്തേക്ക് കയറി. ഇവരുടെ പിന്നാലെ എത്തിയ ധ്യാൻ ശ്രീനിവാസൻ നാടയുടെ അടിയിലൂടെ കുനിഞ്ഞ് അകത്തേക്ക് കയറാൻ ശ്രമിക്കുകയാണ്. അപ്പോൾ ഉപ്പമുണ്ടായിരുന്ന ആൾ ധ്യാനിനെ പിടിച്ചു നിർത്തി താരം മുറിക്കേണ്ട നാടയാണ് ഇതെന്ന് ഓർമിപ്പിക്കുകയായിരുന്നു. അമളി മനസിലായ ധ്യാൻ ചിരിക്കുന്നതും വീഡിയോയിൽ കാണാം. ധ്യാനിൻറെ പ്രവർത്തി കണ്ട് ചുറ്റും നിന്നവരൊക്കെ ചിരിച്ചു..
ഇതിന്റെ വീഡിയോ ,സോഷ്യൽ മീഡിയയിൽ വൈറലായി മാറിയിട്ടുണ്ട്. അതിന് താഴെയായി നിരവധി കമന്റുകളും ആരാധകർ കുറിക്കുന്നുണ്ട് . ബേസിൽ ഇത് വല്ലതും അറിയുന്നുണ്ടോ…. ? എങ്ങോട്ടാണ് ഈ പോവുന്നത് നിങ്ങളാണ് ഗസ്റ്റ്, ക്യാമറ ചാടുമ്പോൾ കൂടെ ചാടണമെന്ന് അച്ഛൻ പണ്ടേ പറഞ്ഞിട്ടുണ്ട്,,. ഒരു കയ്യബദ്ധം നാറ്റിക്കരുത് , പുതിയ യൂണിവേഴ്സ് രജിസ്റ്റർ ചെയ്യ്, എന്നിങ്ങനെ പോകുന്നു മറ്റ് രസകരമായ കമന്റുകൾ.
