കൊച്ചി: എന്റര്‍ടെയ്മന്റ് കാഴ്ചപ്പാടില്‍ നടത്തുന്ന മത്സരങ്ങള്‍ ആവേശത്തേക്കാളേറെ ആഘോഷമാക്കുകയാണ് വേണ്ടതെന്ന് മുന്‍ ഇന്ത്യന്‍ ക്രിക്കറ്റ് താരം എസ്.ശ്രീശാന്ത്. കളിയില്‍ വാശിവേണം, അത് മത്സരത്തിന്റെ സ്വഭാവത്തെ ഇല്ലാതാക്കും വിധമാകരുതെന്നും സെലിബ്രിറ്റി ക്രിക്കറ്റേഴ്‌സ് ഫ്രെട്ടേണിറ്റി (സി.സി.എഫ്) സംഘടിപ്പിക്കുന്ന പ്രഥമ സി.സി.എഫ് പ്രീമിയര്‍ ലീഗിന്റെ ഗ്രാന്‍ഡ് ലോഞ്ചില്‍ പങ്കെടുക്കവേ അദ്ദേഹം പറഞ്ഞു.
കാക്കൂര്‍ കാളവയല്‍ കണ്ട് ആ വേഷം കൊണ്ട ഓര്‍മകളും ശ്രീശാന്ത് പങ്കുവച്ചു. ക്രിക്കറ്റിലെ ആവേശവും സെലിബ്രേഷനുമൊക്കെ ഇതില്‍ നിന്ന് പ്രചോദനം ഉള്‍ക്കൊണ്ട് ഉണ്ടായതാണ്. സിസിഎഫ് പ്രീമിയര്‍ ലീഗില്‍ സ്വന്തം ടീം പങ്കെടുക്കുന്നതിനാല്‍ ടീമുകളെക്കുറിച്ച് ഒന്നും പറയുന്നില്ലെന്നും ശ്രീശാന്ത് പറഞ്ഞു.
ഹോളിഡേ ഇന്‍ ഹോട്ടലില്‍ നടന്ന ചടങ്ങില്‍ സി.സി.എഫ് പ്രീമിയര്‍ ലീഗില്‍ മത്സരിക്കുന്ന 12 ടീമുകളുടെ അവതരണവും ലോഗോ പ്രകാശനവും നടന്നു. ടീം ഉടമകളായ സുരാജ് വെഞ്ഞാറമ്മൂട് (സീബ്ര സീലോട്ട്‌സ്), ഉണ്ണി മുകുന്ദന്‍ (സീ ഹോഴ്‌സ് സെയ്‌ലേഴ്‌സ്), വിജയ് യേശുദാസ് (ടാര്‍ഗേറിയന്‍ ടെര്‍ണ്‍സ്), ആന്റണി പെപ്പ് (റിനോ റേഞ്ചേഴ്‌സ്), അഖില്‍ മാരാര്‍ (ഫീനിക്‌സ് പാന്തേഴ്‌സ്), സണ്ണി വെയ്ന്‍ (ലയണ്‍ ലെജന്റ്‌സ്), ജോണി ആന്റണി (കംഗാരു നോക്കേഴ്‌സ്), ലൂക്ക്മാന്‍ (ഹിപ്പോ ഹിറ്റേഴ്‌സ്), സാജു നവോദയ (ഗൊറില്ല ഗ്ലൈഡേഴ്‌സ്), നരേന്‍ (ഫോക്‌സ് ഫൈറ്റേഴ്‌സ്), സിജു വില്‍സന്‍ (ഈഗിള്‍ എംപയേഴ്‌സ്), വിഷ്ണു ഉണ്ണികൃഷ്ണന്‍ (ചേതക് ചെയ്‌സേഴ്‌സ്) എന്നിവര്‍ ടീമുകളെ പരിചയപ്പെടുത്തി.
സി.സി.എഫ് പ്രസിഡന്റ് അനില്‍ തോമസ്, സെക്രട്ടറി സ്ലീബ വര്‍ഗീസ്, ട്രഷറര്‍ സുധീപ് കാരാട്ട്, ബ്ലൂടൈഗേഴ്‌സ് സഹ സ്ഥാപകന്‍ മാത്യൂസ്, ഓപ്പറേഷന്‍ ഹെഡ് അഖില്‍, ശരത്, ക്യാപ്ഷന്‍ ബേസില്‍ തമ്പി, ടീം ബ്രാന്‍ഡ് അംബാസിഡര്‍മാരായ അന്‍സിബ ഹസന്‍, മാളവിക മേനോന്‍, ആരാധ്യ അന്‍, ആര്യ ബാബു, രജീഷ വിജയന്‍, മേഘാ തോമസ്, ശ്രുതി ലക്ഷ്മി, സെറീന ആന്‍ ജോണ്‍സണ്‍, നൂറിന്‍ ഷെരീഫ്, സിജ റോസ്, പ്രയാഗ മാര്‍ട്ടിന്‍, റിതു മന്ത്ര തുടങ്ങിയവര്‍ സംസാരിച്ചു.
സൗത്താഫ്രിക്ക നാഷണല്‍ ടീം മുന്‍ ക്യാപ്റ്റന്‍ എ ബി ഡി വില്ലേഴ്‌സ് ബ്രാന്‍ഡ് അംബാസിഡറായുള്ള ലോകത്തെ ഏറ്റവും വലിയ അമേച്വര്‍ ക്രിക്കറ്റ് ലീഗ് ആയ ലാസ്റ്റ് മാന്‍ സ്റ്റാന്റ്‌സുമായി സഹകരിച്ച് സി.സി.എഫ് സംഘടിപ്പിക്കുന്ന സി.സി.എഫ് പ്രീമിയര്‍ ലീഗ് ഏപ്രില്‍ 19 മുതല്‍ 25 വരെ കളമശേരി സെന്റ് പോള്‍സ് കോളേജ് ഗ്രൗണ്ടിലാണ് നടക്കുന്നത്. സിനിമ, ടെലിവിഷന്‍, മീഡിയ, പരസ്യ മേഖലകളില്‍ നിന്നുള്ള സെലിബ്രിറ്റികളും കലാകാരന്മാരും സാങ്കേതിക പ്രവര്‍ത്തകരുമാണ് ടീം അംഗങ്ങളായുള്ളത്.
Discussion about this post