മദ്ധ്യപ്രദേശ്:ആര്എസ്എസ് മേധാവി മോഹന് ഭാഗവതിന്റെ ഫോട്ടോ മോര്ഫ് ചെയ്ത് സോഷ്യല് മീഡിയയില് പ്രചരിപ്പിച്ചതിന് രണ്ട് പേരെ പൊലീസ് അറസ്റ്റ് ചെയ്തു. പ്രതികളെ കാര്ഗോണ് ജില്ലാ കോടതി രണ്ടാഴ്ചത്തേക്ക് റിമാന്ഡ് ചെയ്തു.മദ്ധ്യപ്രദേശിലെ കാര്ഗോണ് ജില്ലയിലെ കോളേജ് വിദ്യാര്ത്ഥിയായ വസീം ഷെയ്ക്ക്, ഷാക്കിര് യൂനിസ്, എന്നിവരെയാണ് പൊലീസ് അറസ്റ്റ് ചെയ്തത്. പ്രതികള് മതവികാരം വ്രണപ്പെടുത്തുന്ന നീക്കങ്ങളാണ് ഫോട്ടോ മോര്ഫ് ചെയ്ത് സോഷ്യല് മീഡിയയിലൂടെ നടത്തിയതെന്നും ഇവര്ക്കെതിരെ ഇന്ത്യന് ശിക്ഷാ നിയമത്തിലെ ഐടി ആക്ടിലെ 67 ാം വകുപ്പ് ചുമത്തിയാണ് കേസെടുത്തിട്ടുള്ളതെന്നും കാര്ഗോണ് പൊലിസ് സൂപ്രണ്ട് അമിത് കുമാര് സിങ് പറഞ്ഞു
ആര്എസ്എസിന്റെ വേഷവിധാനം കാക്കി നിക്കറില് നിന്നും ചാര നിറത്തിലേക്കുള്ള പാന്റ്സിലേക്ക മാറാന് കഴിഞ്ഞ ദിവസം തീരുമാനിച്ചിരുന്നു. ഇതിനെ പരിസഹിക്കുന്ന തരത്തില് മോഹന് ഭഗവതിന്റെ തല, മുറുകിയ പാന്റ്സ് ധരിച്ച സ്ത്രീയുടെ ഉടലിനോട് ചേര്ത്ത മോര്ഫ് ചെയ്ത ഫോട്ടോയാണ് പ്രചരിപ്പിച്ചിരുന്നത്.ഷാക്കിര് ഈ ഫോട്ടോ വാട്സാപ്പിലും വസീം ഫെയ്സ്ബുക്കിലുമാണ് പോസ്റ്റ് ചെയ്തിരുന്നത്. ആര്എസ്എസ് പ്രവര്ത്തകനായ രജനീഷ് നിംബാല്ക്കര് നല്കിയ പരാതിയിലാണ് പൊലീസ് നടപടിയെടുത്തിരിക്കുന്നത്.
Discussion about this post