യുവതിയെ ലൈംഗികമായി പീഡിപ്പിച്ചുവെന്ന കേസിൽ പാലക്കാട് എംഎൽഎ രാഹുൽ മാങ്കൂട്ടത്തിൽ സമർപ്പിച്ച ജാമ്യാപേക്ഷ കോടതി ബുധനാഴ്ച പരിഗണിക്കും. തിരുവനന്തപുരം പ്രിൻസിപ്പൽ ജില്ലാ സെഷൻസ് കോടതിയിലാണ് രാഹുൽ മുൻകൂർ ജാമ്യാപേക്ഷ നൽകിയിരിക്കുന്നത്. ഹർജി പരിഗണിക്കും വരെ രാഹുൽ ഒളിവിൽ തന്നെ തുടരുമെന്നാണ് വിവരം. പാലക്കാട് തന്നെ തുടരാൻ രാഹുലിന് നിയമോപദേശം ലഭിച്ചിട്ടുണ്ടെന്നും റിപ്പോർട്ടുകളുണ്ട്.
രാഹുലിനെ തിരഞ്ഞുപിടിച്ച് തിരക്കിട്ട് അറസ്റ്റ് ചെയ്യാനും പോലീസ് ഉദ്ദേശിക്കുന്നിലെല്ലാണ് വിവരം.രാഹുലിന്റെ ജാമ്യാപേക്ഷ തള്ളുകയും തദ്ദേശതിരഞ്ഞെടുപ്പിനോട് അടുത്ത ദിവസങ്ങളിൽ അറസ്റ്റ് ചെയ്യുന്നതും കൂടുതൽ രാഷ്ട്രീയ നേട്ടമുണ്ടാക്കുമെന്നു കരുതുന്നു. അത്തരമൊരു രാഷ്ട്രീയ ഉപദേശം പോലീസിനു ലഭിച്ചതായാണ് റിപ്പോർട്ടുകൾ.
യുവതി മുഖ്യമന്ത്രിക്ക് പരാതി നൽകിയതിന് പിന്നാലെയാണ് രാഹുൽ പൊതുഇടങ്ങളിൽ നിന്ന് അപ്രത്യക്ഷനായത്. അതുവരെ തദ്ദേശതിരഞ്ഞെടുപ്പ് പ്രചരങ്ങളിൽ സജീവമായിരുന്നു. യുവതിയുമായി ലൈംഗിക ബന്ധം സമ്മതിച്ച രാഹുൽ ബലാത്സംഗവും ഗർഭച്ഛിദ്രം നടത്തിച്ചുവെന്ന ആരോപണവും തള്ളിക്കൊണ്ടാണ് മുൻകൂർ ജാമ്യത്തിന് കോടതിയെ സമീപിച്ചിരിക്കുന്നത്.
Discussion about this post