ഡെറാഡൂൺ : ഉത്തരാഖണ്ഡിൽ ഭൂചലനം. ചമോലി ജില്ലയിലെ വിവിധ പ്രദേശങ്ങളിൽ ഭൂചലനം അനുഭവപ്പെട്ടു. 3.7 തീവ്രത രേഖപ്പെടുത്തിയ ഭൂകമ്പമാണ് ഉണ്ടായതെന്ന് നാഷണൽ സെന്റർ ഫോർ സീസ്മോളജി അറിയിച്ചു. 5 കിലോമീറ്റർ ആഴത്തിലാണ് ഭൂകമ്പം ഉണ്ടായത്.
രാവിലെ 10:27 ന് കർണപ്രയാഗ്, നാരായൺബാഗ്, തരാളി, ദേവാൽ എന്നിവിടങ്ങളിൽ ഭൂകമ്പം അനുഭവപ്പെട്ടു. ഭൂകമ്പത്തിന്റെ പ്രഭവകേന്ദ്രം ചമോലിക്ക് സമീപമായിരുന്നു. നിലവിൽ നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല. ഭൂകമ്പ സാധ്യത കണക്കിലെടുത്ത് ഉത്തരാഖണ്ഡിനെ അതിസൂക്ഷ്മ മേഖല -6 ൽ ഉൾപ്പെടുത്തി ഏതാനും ദിവസങ്ങൾക്കുള്ളിൽ ആണ് ഇപ്പോൾ പുതിയ ഭൂചലനം ഉണ്ടായിരിക്കുന്നത്.
