ആലപ്പുഴ : എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് വേണ്ടി രക്തതിലക പ്രതിജ്ഞയുമായി എസ്എൻഡിപി മാന്നാർ യൂണിയൻ വനിതാസംഘം. വിരലിൽ നിന്ന് രക്തം ചിന്തി തിലകം ചാർത്തിയായിരുന്നു ഐക്യദാർഢ്യ പ്രഖ്യാപനം. രക്തം കൊണ്ട് പേപ്പറിൽ വിരലടയാളം പതിപ്പിച്ച് വെള്ളാപ്പള്ളി നടേശന് അയച്ചു നൽകി.
വെള്ളാപ്പള്ളി നടേശനെതിരായ പരാമർശങ്ങൾ നടത്തിയ യൂത്ത് കോൺഗ്രസ് നേതാക്കളുടെ കോലം കത്തിച്ച് വനിതാസംഘം പ്രതിഷേധിച്ചു. എസ്എൻഡിപി യോഗം യൂത്ത് മൂവ്മെന്റും കഴിഞ്ഞ ദിവസം വെള്ളാപ്പള്ളി നടേശന് ഐക്യദാർഢ്യം പ്രഖ്യാപിച്ചിരുന്നു. തൃപ്പൂണിത്തുറയിലാണ് പരിപാടി സംഘടിപ്പിച്ചത്.
യൂത്ത് കോൺഗ്രസ് മലപ്പുറം ജില്ലാ പ്രസിഡന്റ് ഹാരിസ് മുതൂർ വെള്ളാപ്പള്ളി നടേശൻ്റെ മുഖത്ത് കരി ഓയിൽ ഒഴിക്കുന്നവർക്ക് അവാർഡ് പ്രഖ്യാപിച്ചതിനെതിരെ ആയിരുന്നു പ്രതിഷേധം. ഹാരിസ് മുതൂരിൻ്റെ കോലത്തിൽ കരി ഓയിൽ ഒഴിച്ച് പ്രതിഷേധിച്ച യൂത്ത് മൂവ്മെന്റ് പ്രവർത്തകർ ഹാരിസിന്റെ കോലവും കത്തിച്ചു.
Discussion about this post