ടൂറിസം വഴി സാമ്പത്തിക കുതിപ്പ്, ഹിമാലയൻ ടൂറിസത്തിന് ചിറകുമുളയ്ക്കുന്നു; മൗണ്ടൻ ട്രെയിനുകളും ആസ്ട്രോ ടൂറിസവും ബജറ്റിലെ ഹൈലൈറ്റുകൾ

2026-27 സാമ്പത്തിക വർഷത്തേക്കുള്ള കേന്ദ്ര ബജറ്റ് ധനമന്ത്രി നിർമല സീതാരാമൻ ഇന്ന് (2026 ഫെബ്രുവരി 1) പാർലമെന്റിൽ അവതരിപ്പിക്കുകയാണ്. തുടർച്ചയായി ഒൻപതാം തവണയാണ് അവർ ബജറ്റ് അവതരിപ്പിക്കുന്നത് എന്ന സവിശേഷതയുമുണ്ട്.

27 വർഷത്തിന് ശേഷമാണ് രാജ്യത്ത് ഒരു കേന്ദ്ര ബജറ്റ് ഞായറാഴ്ച അവതരിപ്പിക്കുന്നത്. ജറ്റിൽ ടൂറിസം മേഖലയ്ക്ക് വലിയ പ്രാധാന്യം നൽകിക്കൊണ്ട് ധനമന്ത്രി നിർമല സീതാരാമൻ വൻ പ്രഖ്യാപനങ്ങൾ നടത്തി. ഇന്ത്യയെ ഒരു ആഗോള ടൂറിസം ഹബ്ബാക്കി മാറ്റുക എന്ന ലക്ഷ്യത്തോടെയുള്ള ഈ നീക്കങ്ങൾ തൊഴിലവസരങ്ങൾ വർദ്ധിപ്പിക്കാനും സാമ്പത്തിക വളർച്ചയ്ക്കും സഹായിക്കും.

10,000 ടൂറിസ്റ്റ് ഗൈഡുകൾക്ക് പരിശീലനം: ടൂറിസം രംഗത്ത് സേവന നിലവാരം വർദ്ധിപ്പിക്കുന്നതിനായി പതിനായിരം യുവാക്കൾക്ക് പ്രൊഫഷണൽ ഗൈഡ് പരിശീലനം നൽകും.

മലയോര ട്രെയിനുകൾ: ഉത്തരാഖണ്ഡ്, ഹിമാചൽ പ്രദേശ് എന്നീ സംസ്ഥാനങ്ങളിൽ വിനോദസഞ്ചാരികളെ ആകർഷിക്കുന്നതിനായി പുതിയ മൗണ്ടൻ ട്രെയിൻ സർവീസുകൾ ആരംഭിക്കും.

ഗേൾസ് ഹോസ്റ്റലുകൾ: ടൂറിസ്റ്റ് കേന്ദ്രങ്ങളിൽ വനിതാ സഞ്ചാരികളുടെ സുരക്ഷയും സൗകര്യവും ഉറപ്പാക്കാൻ പ്രത്യേക ഗേൾസ് ഹോസ്റ്റലുകൾ സ്ഥാപിക്കും

ആസ്ട്രോ ടൂറിസം : നക്ഷത്ര നിരീക്ഷണത്തിനും ബഹിരാകാശ വിനോദസഞ്ചാരത്തിനുമായി ഇന്ത്യയിലെ അനുയോജ്യമായ സ്ഥലങ്ങളെ പ്രത്യേക ടൂറിസം കേന്ദ്രങ്ങളായി വികസിപ്പിക്കും.