ഇന്ത്യൻ ക്രിക്കറ്റ് പ്രേമികൾക്ക് ആവേശം പകർന്ന് രോഹിത് ശർമ്മയുടെയും വിരാട് കോലിയുടെയും തിരിച്ചുവരവ് വാർത്തകൾ പുറത്തുവന്നു. 2026 ജൂണിൽ അഫ്ഗാനിസ്ഥാനെതിരെ നടക്കാനിരിക്കുന്ന ഏകദിന പരമ്പരയിലാണ് ഇരുവരും കളത്തിലിറങ്ങുക. ജൂൺ 14-ന് ധർമ്മശാലയിൽ നടക്കുന്ന ഒന്നാം ഏകദിനത്തിലൂടെയാണ് ഇരുവരും വീണ്ടും ഇന്ത്യൻ ബാറ്റിംഗ് നിരയുടെ കരുത്താവുക.
അഫ്ഗാനിസ്ഥാൻ്റെ ഇന്ത്യൻ പര്യടനത്തിൽ ഒരു ടെസ്റ്റ് മത്സരവും മൂന്ന് ഏകദിന മത്സരങ്ങളുമാണ് ഉൾപ്പെടുത്തിയിരിക്കുന്നത്. പരമ്പരയിലെ ഏക ടെസ്റ്റ് മത്സരം ജൂൺ 6 ന് ന്യൂ ചണ്ഡീഗഡ് സ്റ്റേഡിയത്തിൽ നടക്കും. എന്തായാലും നീണ്ട ഇടവേളയും ശേഷം നടക്കുന്ന ഇന്ത്യൻ പ്രീമിയർ ലീഗും കഴിഞ്ഞ് കഴിഞ്ഞ് രോഹിത്തും വിരാടും ഒരേസമയം ടീമിലേക്ക് തിരിച്ചെത്തുന്നത് ആരാധകർക്ക് വലിയ ആവേശമാണ് നൽകുന്നത്. ജൂൺ 14-ന് ധർമ്മശാലയിലെ മനോഹരമായ സ്റ്റേഡിയത്തിൽ വെച്ചായിരിക്കും ഇരുവരും ബാറ്റ് വീശുക. ടി 20 ലോകകപ്പ് പോരാട്ടങ്ങൾ കഴിഞ്ഞ് ടീം ഇന്ത്യയുടെ പുതിയ സീസണിലെ ആദ്യ പ്രധാന ഹോം സീരീസ് കൂടിയാണിത്.
അന്താരാഷ്ട്ര ക്രിക്കറ്റിൽ കരുത്തരായി വളർന്നുവരുന്ന അഫ്ഗാനിസ്ഥാനെതിരെ സ്വന്തം മണ്ണിൽ ഇന്ത്യയ്ക്ക് കടുത്ത പോരാട്ടം തന്നെ കാഴ്ചവെക്കേണ്ടി വരും. റാഷിദ് ഖാൻ നയിക്കുന്ന സ്പിൻ കരുത്തിനെ നേരിടാൻ രോഹിത്തിൻ്റെയും കോലിയുടെയും സാന്നിധ്യം ടീമിന് വലിയ ആത്മവിശ്വാസം നൽകും.
