തിരുവനന്തപുരം : കേരളത്തിലെ നിയമസഭാ തിരഞ്ഞെടുപ്പിനുള്ള ആദ്യഘട്ട സ്ഥാനാർത്ഥി പട്ടിക പുറത്തുവിട്ട് എൻഡിഎ. 47 പേരുടെ പട്ടികയാണ് ആദ്യഘട്ടത്തിൽ ബിജെപി നേതൃത്വം നൽകുന്ന എൻഡിഎ പുറത്തുവിട്ടിരിക്കുന്നത്. നേമം തിരികെ പിടിക്കാൻ സംസ്ഥാന അധ്യക്ഷൻ രാജീവ് ചന്ദ്രശേഖറിനെ തന്നെ രംഗത്തിറക്കുകയാണ് ബിജെപി. മുൻ പാർട്ടി അധ്യക്ഷൻ കെ സുരേന്ദ്രൻ മഞ്ചേശ്വരത്ത് മത്സരിക്കും. പാലക്കാട് മണ്ഡലത്തിൽ ശോഭാ സുരേന്ദ്രൻ മത്സരിക്കും. കഴക്കൂട്ടത്ത് നിന്നും വി മുരളീധരനും വട്ടിയൂർക്കാവിൽ നിന്നും ആർ ശ്രീലേഖയും കാട്ടാക്കടയിൽ നിന്നും പി കെ കൃഷ്ണദാസും മത്സരിക്കും.
ഒറ്റപ്പാലത്ത് മേജർ രവി ബിജെപി സ്ഥാനാർഥിയാകും. തൃശ്ശൂരിൽ പത്മജ വേണുഗോപാൽ ആണ് ബിജെപിക്കായി കളത്തിലിറങ്ങുന്നത്. പൂഞ്ഞാറിൽ പിസി ജോർജും പാലായിൽ ഷോൺ ജോർജും മത്സരിക്കും. കാഞ്ഞിരപ്പള്ളിയിൽ അഡ്വ. ജോർജ് കുര്യൻ സ്ഥാനാർത്ഥിയാകും. സന്ദീപ് വചസ്പതി ഹരിപ്പാട് നിന്നും മത്സരിക്കും. തിരുവല്ലയിൽ നിന്നും അനൂപ് ആന്റണിയും നെടുമങ്ങാട് നിന്നും യുവരാജ് ഗോകുലും ഷൊർണൂരിൽ നിന്നും ശങ്കു ടി ദാസും മത്സരിക്കുന്നുണ്ട്.
ഉദുമയിൽ മനുലാൽ മേലോത്ത്, കാഞ്ഞങ്ങാട് ബൽരാജ് എം, പയ്യന്നൂർ എപി ഗംഗാധരൻ, അഴീക്കോട് കെ കെ വിനോദ് കുമാർ, കണ്ണൂർ സി രഘുനാഥ്, മാനന്തവാടി പി ശ്യാം രാജ്, സുൽത്താൻബത്തേരി കവിത എ എസ്, വടകര അഡ്വ. കെ ദിലീപ്, കുറ്റ്യാടി രാമദാസ് മണലേരി, നാദാപുരം സി പി വിപിൻ ചന്ദ്രൻ, കൊയിലാണ്ടി സിആർ പ്രഫുൽ കൃഷ്ണൻ, പേരാമ്പ്ര എം മോഹനൻ മാസ്റ്റർ, ബാലുശ്ശേരി സിപി സതീശൻ, എലത്തൂർ ടി ദേവദാസ്, കോഴിക്കോട് നോർത്ത് നവ്യ ഹരിദാസ്, കോഴിക്കോട് സൗത്ത് ടി റെനീഷ്, ബേപ്പൂർ അഡ്വ. കെ പി പ്രകാശ് ബാബു, കുന്നമംഗലം വി കെ സജീവൻ, മലമ്പുഴ സി കൃഷ്ണകുമാർ, ചേലക്കര കെ ബാലകൃഷ്ണൻ, മണലൂർ അഡ്വ. കെ കെ അനീഷ് കുമാർ, ഇരിഞ്ഞാലക്കുട സന്തോഷ് ചേരകുളം, ദേവികുളം എസ് രാജേന്ദ്രൻ, വൈക്കം കെ അജിത്ത്, അമ്പലപ്പുഴ അരുൺ അനിരുദ്ധൻ, ചെങ്ങന്നൂർ എംവി ഗോപകുമാർ, കരുനാഗപ്പള്ളി വിഎസ് ജിതിൻ ദേവ്, കുന്നത്തൂർ രാജി പ്രസാദ്, കൊട്ടാരക്കര ആർ രശ്മി, ചാത്തന്നൂർ ബി ബി ഗോപകുമാർ, ആറ്റിങ്ങൽ അഡ്വ. പി സുധീർ, പാറശ്ശാല അഡ്വ. ഗിരീഷ് നെയ്യാർ എന്നിവരാണ് എൻഡിഎ സ്ഥാനാർത്ഥികളായി മത്സരിക്കുന്നത്.
