ശ്രീനഗർ : ലഷ്കർ ഇ ത്വയ്ബ കമാൻഡർ സയ്ഫുള്ള അബു ഖാലിദിനെ വെടിവച്ച് കൊന്ന് ഇന്ത്യൻ സൈന്യം . ശ്രീനഗറിലെ ഹർവാൻ മേഖലയിൽ സുരക്ഷാ സേനയുമായുണ്ടായ ഏറ്റുമുട്ടലിലാണ് ഖാലിദ് കൊല്ലപ്പെട്ടത് . ഇന്ന് രാവിലെയോടെയാണ് താഴ്വരയിൽ ഏറ്റുമുട്ടൽ ഉണ്ടായത് .
പാകിസ്താനിലെ കറാച്ചി സ്വദേശിയായ ഖാലിദ് 2016 ൽ കശ്മീരിലേയ്ക്ക് നുഴഞ്ഞുകയറിയതാണ് . അന്നുമുതൽ ഹർവാനിലെ ഭീകരവാദ പ്രവർത്തനങ്ങൾ നടത്തുന്നുണ്ടായിരുന്നു .
ഖാലിദിന്റെ മൃതദേഹത്തിൽ നിന്ന് ലഭിച്ച രേഖകളിൽ നിന്നാണ് കൊല്ലപ്പെട്ടത് ലഷ്കർ ഭീകരനാണെന്ന് വ്യക്തമായത് . സുരക്ഷാസേനയ്ക്കും ,പോലീസിനും എതിരെ നിരവധി ഭീകരാക്രമണങ്ങൾക്ക് ഇയാൾ നേതൃത്വം നൽകിയിട്ടുണ്ട്
