മനുഷ്യൻ ഇന്നുവരെ കണ്ടിട്ടില്ലാത്ത ചന്ദ്രന്റെ മറുപുറത്തിന്റെ ചിത്രം പകർത്തി ആർട്ടെമിസ് II ദൗത്യസംഘം. ചന്ദ്രന്റെ ഭൂമിയിൽ നിന്ന് കാണാത്ത ഭാഗത്തും (Far side) കാണുന്ന ഭാഗത്തുമായി (Near side) വ്യാപിച്ചു കിടക്കുന്ന ഭീമാകാരമായ ‘ഓറിയന്റേൽ ബേസിൻ’ എന്ന വിള്ളലിന്റെ പൂർണ്ണരൂപമാണ് ഒറിയോൺ (Orion) പേടകത്തിലെ ക്യാമറകൾ പകർത്തിയത്. 50 വർഷത്തെ ഇടവേളയ്ക്ക് ശേഷം ചന്ദ്രനിലേക്ക് എത്തിയ മനുഷ്യ ദൗത്യത്തിലൂടെയാണ് ഈ ദൃശ്യങ്ങൾ പകർത്താൻ സാധിച്ചത്.
ചന്ദ്രന്റെ പടിഞ്ഞാറേ അറ്റത്ത് സ്ഥിതി ചെയ്യുന്ന 965 കിലോമീറ്റർ വീതിയുള്ള ഒരു കൂറ്റൻ ഗർത്തമാണ് ‘ഓറിയന്റേൽ ബേസിൻ’. ഏകദേശം 3.8 ബില്യൺ വർഷങ്ങൾക്ക് മുമ്പ് ഒരു വലിയ ഉൽക്ക ചന്ദ്രനിൽ വന്നിടിച്ചപ്പോഴാണ് ഇത് രൂപപ്പെട്ടത്. കേന്ദ്രഭാഗത്ത് നിന്ന് പുറത്തേക്ക് വ്യാപിക്കുന്ന മൂന്ന് വളയങ്ങൾ പോലെയാണ് ഇതിന്റെ ഘടന. ചന്ദ്രന്റെ ഉപരിതലത്തിൽ നിന്ന് ഏറ്റവും വ്യക്തമായി കാണാവുന്ന ‘മൾട്ടി-റിംഗ് ഇംപാക്ട് ബേസിൻ’ ആണിത്. ആദ്യമായാണ് ഈ പ്രദേശം ഇത്ര വ്യക്തതയോടെ മനുഷ്യനേത്രങ്ങൾ നേരിട്ടു കാണുന്നത്,” എന്ന് നാസ എക്സിൽ പങ്കുവെച്ച ഒരു കുറിപ്പിൽ കുറിച്ചു. ഇതിനുമുമ്പ് റോബോട്ടിക് പര്യവേക്ഷണ വാഹനങ്ങൾ മാത്രമാണ് ഈ ഭാഗത്തിന്റെ ചിത്രങ്ങൾ പകർത്തിയിട്ടുള്ളത്.
