തിരുവനന്തപുരം: തിരുവനന്തപുരം കോർപ്പറേഷൻ മേർ വി.വി രാജേഷിനെ വ്യക്തിപരമായി അധിക്ഷേപിച്ച് വി. ശിവൻകുട്ടി. തിരഞ്ഞെടുപ്പ് പ്രചാരണത്തിനിടെ തനിക്കെതിരെ വി.വി രാജേഷ് ഉയർത്തിയ വെല്ലുവിളികൾക്ക് മറുപടി പറയുകയായിരുന്നു അദ്ദേഹം. “വി.വി രാജേഷ് എവിടെ നിൽക്കുന്നു, ഞാൻ എവിടെ നിൽക്കുന്നു എന്ന് എല്ലാവർക്കും അറിയാം. അദ്ദേഹം എന്നെ വെല്ലുവിളിക്കുന്നത് തീർത്തും മോശമായിപ്പോയി” എന്നായിരുന്നു ശിവൻകുട്ടിയുടെ പ്രതികരണം.
രാജേഷിന്റെ വെല്ലുവിളികളെ ഗൗരവമായി കാണുന്നില്ലെന്നും അത്തരം പ്രസ്താവനകൾ രാഷ്ട്രീയ നിലവാരത്തിന് ചേർന്നതല്ലെന്നും ശിവൻകുട്ടി ആരോപിച്ചു. വട്ടിയൂർക്കാവിൽ ബിജെപിയുടെ വളർച്ചയിൽ വിറളിപൂണ്ടാണ് മന്ത്രി ഇത്തരത്തിൽ അഹങ്കാരത്തോടെ സംസാരിക്കുന്നതെന്ന് എൻഡിഎ കേന്ദ്രങ്ങൾ തിരിച്ചടിച്ചു. പദവിയുടെ ഹുങ്കിൽ രാഷ്ട്രീയ എതിരാളികളെ പുച്ഛിക്കുന്നത് ജനാധിപത്യത്തിന് ഭൂഷണമല്ലെന്നാണ് ഉയരുന്ന വിമർശനം.
