ഐപിഎൽ 2026-ന് മുന്നോടിയായി ടീമിനെ പുനരുജ്ജീവിപ്പിക്കാൻ വിപുലമായ ട്രയൽസുകളുമായി ചെന്നൈ സൂപ്പർ കിംഗ്സ്. ബൗളിംഗ് നിരയിലെ പരിക്കുകൾ കാരണം ഉണ്ടായ നികത്താൻ മുംബൈ ഇന്ത്യൻസിന്റെ മുൻ പേസ് സെൻസേഷൻ ആകാശ് മധ്വാളിനെ ചെന്നൈ നോട്ടമിട്ടു കഴിഞ്ഞു. ഒപ്പം ടീമിലെ യുവതാരം രാജ്വർദ്ധൻ ഹംഗർഗേക്കറുടെ പ്രകടനം നേരിട്ട് വിലയിരുത്താനും സിഎസ്കെ മാനേജ്മെന്റ് തീരുമാനിച്ചു.
മുംബൈ ഇന്ത്യൻസിന് വേണ്ടി കഴിഞ്ഞ സീസണുകളിൽ മികച്ച പ്രകടനം നടത്തിയ ആകാശ് മധ്വാൾ ഹൈദരാബാദിൽ നടന്ന സിഎസ്കെ ട്രയൽസിൽ പങ്കെടുത്തു. ഡെത്ത് ഓവറുകളിൽ കൃത്യതയാർന്ന യോർക്കറുകൾ എറിയാൻ കഴിവുള്ള മധ്വാളിനെ ടീമിലെത്തിക്കുന്നത് ചെന്നൈയുടെ പേസ് ബൗളിംഗ് കുഴപ്പങ്ങൾക്ക് പരിഹാരമാകുമെന്നാണ് കരുതപ്പെടുന്നത്. ഖലീൽ അഹമ്മദിനെ നഷ്ടമായ സാഹചര്യത്തിൽ അദ്ദേഹത്തിന് ചേർന്ന പകരക്കാരനായി ആകാശിനെ നോക്കി കാണുന്നവർ ഏറെയാണ്.
ചെന്നൈയുടെ യുവ പേസർ രാജ്വർദ്ധൻ ഹംഗർഗേക്കർ മുംബൈയിൽ നടക്കുന്ന ട്രയൽസിൽ പങ്കെടുക്കും. കഴിഞ്ഞ സീസണുകളിൽ ടീമിലുണ്ടായിരുന്നെങ്കിലും വലിയ അവസരങ്ങൾ ഹംഗർഗേക്കറെ തേടി എത്തിയിരുന്നില്ല. താരത്തിന്റെ നിലവിലെ ഫോമും കായികക്ഷമതയും വിലയിരുത്തി വരാനിരിക്കുന്ന മെഗാ ലേലത്തിന് മുൻപ് കൃത്യമായ തീരുമാനമെടുക്കാനാണ് സിഎസ്കെ ലക്ഷ്യമിടുന്നത്.
പരിക്കുകളും ഫോമില്ലായ്മയും കാരണം ഉണ്ടായ ബുദ്ധിമുട്ടിൽ വലയുന്ന ചെന്നൈക്ക് ഈ യുവ പേസർമാരിൽ ഒരാളുടെ വരവ് ഗുണം ചെയ്തേക്കും എന്ന് തന്നെ കരുതാം..
