തെന്നിന്ത്യൻ ലേഡി സൂപ്പർ സ്റ്റാർ തൃഷ കൃഷ്ണന്റെ തിരുപ്പതി സന്ദർശനം സോഷ്യൽ മീഡിയയിൽ വൻ ചർച്ചയാകുന്നു. ഇന്ന് തൃഷയുടെ 43-ാം ജന്മദിനമാണെന്നിരിക്കെ, കഴിഞ്ഞ ദിവസം രാത്രിയോടെയാണ് താരം തിരുമലയിൽ ദർശനം നടത്തിയത്. എന്നാൽ വെറുമൊരു ജന്മദിന പ്രാർത്ഥന മാത്രമല്ല ഇതെന്നും, തമിഴ്നാട് നിയമസഭാ തെരഞ്ഞെടുപ്പിൽ നടൻ വിജയ്യുടെ പാർട്ടിയായ തമിഴക വെട്രി കഴകത്തിന്റെ (TVK) വിജയത്തിനായുള്ള പ്രത്യേക വഴിപാടാണ് ഇതെന്നുമാണ് ആരാധകർക്കിടയിലെ പ്രധാന സംസാരം.
ഇന്ന് തമിഴ്നാട് നിയമസഭാ തെരഞ്ഞെടുപ്പിന്റെ ഫലം പുറത്തുവരവെ, ആദ്യ മണിക്കൂറുകളിൽ വിജയ്യുടെ പാർട്ടി തമിഴ്നാട്ടിൽ വൻ മുന്നേറ്റമാണ് കാഴ്ചവെക്കുന്നത്. പോസ്റ്റൽ വോട്ടുകൾ എണ്ണിത്തുടങ്ങിയപ്പോൾ തന്നെ വിജയ് ലീഡ് നേടിയ വാർത്തകൾ പുറത്തുവന്നിരുന്നു. ഈ നിർണ്ണായക ദിനത്തിൽ തന്നെ തൃഷ തിരുപ്പതിയിൽ എത്തിയത് തങ്ങളുടെ പ്രിയതാരം വിജയ്ക്ക് വേണ്ടിയാണെന്ന് ‘ദളപതി’ ആരാധകർ സോഷ്യൽ മീഡിയയിൽ കുറിക്കുന്നു. തൃഷ തന്റെ ഇൻസ്റ്റാഗ്രാം സ്റ്റോറിയിലൂടെ തിരുപ്പതിയിലേക്കുള്ള യാത്രയുടെ വീഡിയോ പങ്കുവെച്ചിരുന്നു.
വിജയ്യും തൃഷയും തമ്മിലുള്ള സൗഹൃദവും ഗോസിപ്പുകളും നേരത്തെ തന്നെ കോളിവുഡിൽ വലിയ ചർച്ചയായിരുന്നു. വിജയ്യുടെ രാഷ്ട്രീയ പ്രവേശനത്തിനും ടിവികെ രൂപീകരണത്തിനും തൃഷ പൂർണ്ണ പിന്തുണ നൽകിയിരുന്നു. തമിഴ്നാട്ടിൽ ഭരണകക്ഷിയായ ഡിഎംകെയെ വിറപ്പിച്ചുകൊണ്ട് വിജയ് നടത്തുന്ന കുതിപ്പിൽ തൃഷയുടെ പ്രാർത്ഥനകൾക്കും പങ്കുണ്ടെന്നാണ് ആരാധകരുടെ പക്ഷം. 1999-ൽ മിസ് ചെന്നൈ ആയി തിരഞ്ഞെടുക്കപ്പെട്ട കാലം മുതൽ തമിഴ് സിനിമയിലെ രാജ്ഞിയായി തുടരുന്ന തൃഷയുടെ ഈ സന്ദർശനം രാഷ്ട്രീയ-സിനിമ ലോകത്ത് ഒരേപോലെ കൗതുകമുണർത്തിയിരിക്കുകയാണ്. വരും മണിക്കൂറുകളിൽ തമിഴ്നാടിന്റെ വിധി വ്യക്തമാകുമ്പോൾ തൃഷയുടെ പ്രാർത്ഥന ഫലിക്കുമോ എന്നാണ് ആരാധകർ ഉറ്റുനോക്കുന്നത്.
