രാജ്യസഭാ എംപി സദാനന്ദൻ മാസ്റ്ററും കുടുംബവും പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. മകളുടെ വിവാഹം ക്ഷണിക്കുന്നതിനു വേണ്ടിയായിരുന്നു സദാനന്ദൻ മാസ്റ്റർ മോദിയെ കാണാൻ എത്തിയത്. സേവാ തീർത്ഥത്തിൽ വെച്ച് നടന്ന കൂടിക്കാഴ്ചയിൽ സദാനന്ദൻ മാസ്റ്റർ, ഭാര്യ, മകൾ, ഭാവി വരൻ എന്നിവരെ പ്രധാനമന്ത്രി കാണുകയും ആശയവിനിമയം നടത്തുകയും ചെയ്തു. മകളെയും വരൻ ശ്രീകാന്തിനെയും മോദി അനുഗ്രഹിച്ചതായി സദാനന്ദൻ മാസ്റ്റർ സമൂഹമാധ്യമങ്ങളിൽ പങ്കുവെച്ച കുറിപ്പിൽ വ്യക്തമാക്കി.
സദാനന്ദൻ മാസ്റ്റർ പങ്കുവെച്ച സമൂഹമാധ്യമക്കുറിപ്പ്,
കാത്തിരുന്ന നാൾ…🥰🇮🇳
മോളുടെ വിവാഹം ക്ഷണിക്കാനും അനുഗ്രഹം തേടാനും മോദിജിക്ക് കത്തയച്ചിരുന്നു. ഇന്നു രാവിലെ അതു സാധിച്ചു. വിശ്വ വിജേതാവിന്റെ ഔദ്യോഗിക വസതിയായ സേവാ തീർത്ഥത്തിലായിരുന്നു കൂടിക്കാഴ്ച്ച. ഒരു കുടുംബ കാരണവരെ പോലെ വാത്സല്യപൂർവം ആ വലിയ മനുഷ്യൻ സ്വീകരിച്ചു. മോളെയും വരൻ ശ്രീകാന്തിനെയും അനുഗ്രഹിച്ചു. ഏറെ നേരം പല വിഷയങ്ങളും സംസാരിച്ചു. കേരളത്തിലെ തെരഞ്ഞെടുപ്പ് ഫലത്തെ പ്രത്യേകം പരാമർശിച്ചു. അദ്ദേഹത്തിന്റെ നിരീക്ഷണം പങ്കു വെച്ചു.
മനം നിറഞ്ഞു.
ചാരിതാർത്ഥ്യത്തോടെ മടങ്ങി.
എന്റെ പ്രധാനമന്ത്രി എന്റെ അഭിമാനം.
#NarendraModi
