കൊൽക്കത്ത : ഡിജിറ്റൽ ആക്ഷേപഹാസ്യ പ്രസ്ഥാനമായ ‘കോക്രോച്ച് ജനതാ പാർട്ടി’ക്ക് പിന്തുണയുമായി തൃണമൂൽ കോൺഗ്രസ് അധ്യക്ഷ മമതാ ബാനർജി. പാർട്ടി ജനറൽ സെക്രട്ടറി അഭിഷേക് ബാനർജിയും പാറ്റകൾക്കുള്ള പിന്തുണ വ്യക്തമാക്കി. ടിഎംസി രാജ്യസഭാ നേതാവ് ഡെറക് ഒബ്രയാൻ ആണ് മമത ബാനർജി കോക്ക്രോച്ച് ജനത പാർട്ടിക്ക് പൂർണ്ണ പിന്തുണ അറിയിച്ചതായി വ്യക്തമാക്കിയത്.
‘നല്ല പോരാട്ടം’ എന്നതിലാണ് ടിഎംസി നേതൃത്വം ശ്രദ്ധ കേന്ദ്രീകരിക്കുന്നതെന്ന് എക്സിലെ ഒരു പോസ്റ്റിൽ ഡെറിക് ഒബ്രയൻ പറഞ്ഞു. നേരത്തെ, ടിഎംസി നേതാക്കളായ മഹുവ മൊയ്ത്രയും കീർത്തി ആസാദും കോക്രോച്ച് പാർട്ടിയിൽ ചേരാൻ സന്നദ്ധത പ്രകടിപ്പിച്ചിരുന്നു. കൂടാതെ സമാജ്വാദി പാർട്ടി മേധാവി അഖിലേഷ് യാദവും കോക്രോച്ച് പാർട്ടിക്ക് പിന്തുണ അറിയിച്ചിട്ടുണ്ട്.
