കോഴിക്കോട് : കോഴിക്കോട് കൊടുവള്ളിയിൽ പതിനാലുകാരിക്കു നേരെ ലൈംഗികാതിക്രമം നടത്തിയ മദ്രസ അധ്യാപകന് അറസ്റ്റില്. കോഴിക്കോട് പുതുപ്പാടി കൈതപ്പൊയില് സ്വദേശി കാരാട്ടുപൊയില് കെ പി മുഹമ്മദ് ഷെരീഫ് (27) ആണ് അറസ്റ്റിലായത്. ജില്ലാ ശിശുസംരക്ഷണ ഓഫീസറില് നിന്നും ലഭിച്ച പരാതിയുടെ അടിസ്ഥാനത്തിൽ കൊടുവള്ളി പൊലീസ് കേസെടുത്ത് പ്രതിയെ അറസ്റ്റ് ചെയ്തത്.
കഴിഞ്ഞ വർഷം സെപ്റ്റംബറിലാണ് മുഹമ്മദ് ഷെരീഫ് 14 വയസ്സുകാരിയായ പെൺകുട്ടിക്ക് നേരെ ലൈംഗികാതിക്രമം നടത്തിയത്. പിന്നീട് പെൺകുട്ടിയിൽ നിന്നും വിവരമറിഞ്ഞ ബന്ധുക്കൾ ശിശു സംരക്ഷണ ഓഫീസിനെ സമീപിക്കുകയായിരുന്നു. പോക്സോ വകുപ്പ് ചുമത്തി അറസ്റ്റു ചെയ്ത മുഹമ്മദ് ഷെരീഫിനെ താമരശ്ശേരി കോടതിയില് ഹാജരാക്കി റിമാന്റ് ചെയ്തു.
