പ്രകടനവുമായി യുവ ഓൾറൗണ്ടർ സൂര്യൻഷ് ഷെഡ്ഗെ. ശ്രീലങ്കയിൽ നടക്കുന്ന ഇന്ത്യ എ, ശ്രീലങ്ക എ, അഫ്ഗാനിസ്ഥാൻ എ ടീമുകളുടെ ത്രിരാഷ്ട്ര പരമ്പരയിൽ ഏഴാം നമ്പറിൽ ഇറങ്ങി വിസ്മയ പ്രകടനമാണ് ഈ മുംബൈ താരം കാഴ്ചവെക്കുന്നത്. ലഭിക്കുന്ന ഓരോ അവസരവും കൃത്യമായി മുതലാക്കിക്കൊണ്ട് ഇന്ത്യൻ സീനിയർ ടി20 ടീമിലേക്കുള്ള സെലക്ടർമാരുടെ വാതിലിൽ ശക്തമായി മുട്ടുകയാണ് ഈ 23-കാരൻ.
ആദ്യ മത്സരത്തിൽ 14 പന്തുകളിൽ 26 റൺ എടുത്ത താരം രണ്ടാം മത്സരത്തിൽ 27 പന്തുകളിൽ 40 റൺസും ഇന്ന് മൂന്നാം മത്സരത്തിൽ സമ്മർദ്ദത്തിൽ തളരത്വ 66 പന്തുകളിൽ 72 റൺസും നേടിയാണ് തിളങ്ങിയത്. ഫിനിഷറുടെ റോളിൽ ടീം ഏറ്റവും കൂടുതൽ സമ്മർദ്ദം അനുഭവിക്കുന്ന അവസാന ഓവറുകളിലാണ് സൂര്യൻഷ് ക്രീസിലെത്തുന്നത്.
.ആദ്യ രണ്ട് മത്സരങ്ങളിൽ തകർപ്പൻ സ്ട്രൈക്ക് റേറ്റിൽ അതിവേഗം സ്കോർ ഉയർത്തിയ താരം, മൂന്നാം മത്സരത്തിൽ ടീം തകർച്ച നേരിട്ടപ്പോൾ 66 പന്തിൽ 72 റൺസ് നേടി മികച്ച ക്ലാസ് ബാറ്റിങ്ങും പുറത്തെടുത്തു. സാഹചര്യത്തിനനുസരിച്ച് ഗിയർ മാറ്റാൻ തനിക്ക് കഴിയുമെന്ന് തെളിയിച്ചതാണ് ഈ പരമ്പരയിൽ സൂര്യൻഷിന്റെ ഏറ്റവും വലിയ പോസിറ്റീവ് വശം.
കഴിഞ്ഞ ആഭ്യന്തര സീസണിലെ സയ്യിദ് മുഷ്താഖ് അലി ട്രോഫിയിൽ മുംബൈയെ കിരീടത്തിലേക്ക് നയിക്കുന്നതിൽ 251-ലധികം സ്ട്രൈക്ക് റേറ്റിൽ ബാറ്റ് വീശിയ സൂര്യൻഷ് വലിയ പങ്കുവഹിച്ചിരുന്നു. തൊട്ടുപിന്നാലെ നടന്ന 2026 ഐപിഎൽ സീസണിൽ പഞ്ചാബ് കിങ്സിനായി തകർപ്പൻ പ്രകടനമാണ് താരം പുറത്തെടുത്തത്. ഗുജറാത്ത് ടൈറ്റൻസിനെതിരെ വെറും 24 പന്തിൽ അർദ്ധസെഞ്ച്വറി തികച്ച പ്രകടനം ഉൾപ്പെടെ ഐപിഎല്ലിൽ 175-ന് മുകളിൽ സ്ട്രൈക്ക് റേറ്റിലാണ് സൂര്യൻഷ് റൺസ് അടിച്ചുകൂട്ടിയത്.
സ്ഥിരതയാർന്ന ഈ വെടിക്കെട്ട് പ്രകടനം തുടർന്നാൽ, വരാനിരിക്കുന്ന അന്താരാഷ്ട്ര പരമ്പരകളിൽ ഒരു ഫിനിഷറുടെ റോളിൽ സൂര്യൻഷ് ഷെഡ്ഗെ എന്ന പേര് നീലക്കുപ്പായത്തിൽ ആരാധകർക്ക് കാണാൻ സാധിക്കും.
