ബെംഗളൂരു: വേനൽക്കാലത്തെ ചൂടിന് ആശ്വാസമേകാൻ പുതിയൊരു പരീക്ഷണവുമായി പ്രശസ്ത ക്രാഫ്റ്റ് ബ്രൂവറിയായ ‘ദി ബിയർ ക്ലബ്’ . പഴങ്ങളുടെ രാജാവായ അൽഫോൻസോ മാമ്പഴത്തിന്റെ തനതായ രുചി ഉൾപ്പെടുത്തിക്കൊണ്ടുള്ള ‘അൽഫോൻസോ മാംഗോ ബിയർ’ അവർ വിപണിയിൽ അവതരിപ്പിച്ചു.
വേനൽക്കാലത്ത് വ്യത്യസ്തമായ രുചികൾ ആഗ്രഹിക്കുന്ന ഉപഭോക്താക്കളെ ആകർഷിക്കുക എന്ന ലക്ഷ്യത്തോടെയാണ് ഈ പ്രത്യേക പാനീയം തയാറാക്കിയിരിക്കുന്നത്.
കൃത്രിമ ഫ്ലേവറുകൾക്ക് പകരം യഥാർത്ഥ അൽഫോൻസോ മാമ്പഴത്തിന്റെ പൾപ്പ് ഉപയോഗിച്ചാണ് ഈ ബിയർ നിർമ്മിച്ചിരിക്കുന്നത്. കടുത്ത ചൂടുള്ള മാസങ്ങളിൽ മാത്രം ലഭ്യമാകുന്ന ഒരു ലിമിറ്റഡ് എഡിഷൻ പാനീയമാണിത്. മാമ്പഴത്തിന്റെ മധുരവും ക്രാഫ്റ്റ് ബിയറിന്റെ കയ്പും ചേർന്ന വേറിട്ടൊരു രുചിക്കൂട്ടാണ് ഇത് നൽകുന്നത്. ബെംഗളൂരുവിലെ ബിയർ പ്രേമികൾക്കിടയിൽ ഈ പുതിയ മാമ്പഴ ബിയർ ഇതിനകം തന്നെ വലിയ താല്പര്യം ജനിപ്പിച്ചിട്ടുണ്ടെന്ന് ബ്രൂവറി അധികൃതർ വ്യക്തമാക്കി.
