ഡല്ഹി: അഗസ്റ്റാ വെസ്റ്റ്ലാന്ഡ് ഹെലികോപ്റ്റര് ഇടപാടില് ഇറ്റാലിയന് കോടതി ഉത്തരവില് പരാമര്ശമുള്ള നേതാക്കള്ക്കെതിരെ എഫ്ഐആര് രജിസ്റ്റര് ചെയ്യണമെന്ന് ആവശ്യപ്പെട്ട് സമര്പ്പിച്ച പൊതുതാല്പര്യ ഹര്ജിയില് കേന്ദ്രസര്ക്കാരിനും സിബിഐക്കും സുപ്രീം കോടതി നോട്ടിസ്.
ജസ്റ്റിസുമാരായ ദീപക് മിശ്ര, ശിവകീര്ത്തി സിങ് എന്നിവര് ഉള്പ്പെട്ട ബഞ്ചിന്റേതാണ് നടപടി. അഗസ്റ്റ വെസ്റ്റ്ലാന്ഡ് ഇടപാടില് സുപ്രീം കോടതി മേല്നോട്ടത്തില് അന്വേഷണം വേണമെന്നാണ് ഹര്ജിയിലെ ആവശ്യം. അഭിഭാഷകനായ എം.എല്. ശര്മയാണ് ഹര്ജിക്കാരന്. കോണ്ഗ്രസ് അധ്യക്ഷ സോണിയാഗാന്ധി, മുന് പ്രധാനമന്ത്രി മന്മോഹന്സിങ് എന്നിവര്ക്കെതിരെ എഫ്ഐആര് രജിസ്റ്റര് ചെയ്യണമെന്നാണ് ആവശ്യം.
Discussion about this post