തിരുവനന്തപുരം: ശ്രീകൃഷ്ണന്റെ ജന്മനാളായ അഷ്ടമിരോഹിണി ദിനമായ ഇന്ന് നാട് ശ്രീകൃഷ്ണജയന്തി ആഘോഷിക്കും. സംസ്ഥാനത്തെ പ്രമുഖ ശ്രീകൃഷ്ണക്ഷേത്രങ്ങളിലെല്ലാം ജയന്തി ആഘോഷങ്ങള്ക്ക് വിപുലമായ ഒരുക്കമാണ് ഏര്പ്പെടുത്തിയിട്ടുള്ളത്. ഇതോടനുബന്ധിച്ച് വിവിധ ക്ഷേത്രസമിതികളുടെയും ആര്എസ്എസ് തുടങ്ങിയ സംഘടനകളുടെ നേതൃത്വത്തില് ശോഭായാത്രയും സംഘടിപ്പിക്കും.
അഷ്ടമിരോഹിണി ദിനം മുഴുവന് കൃഷ്ണഭജനം ചെയ്തിരുന്നാല് അനുഗ്രഹം ഉണ്ടാകുമെന്നാണ് വിശ്വാസം. ബാലന്മാര് ഉണ്ണിക്കണ്ണന്റെ വേഷപ്പകര്ച്ചയുമായാണ് ശോഭായാത്രയില് പങ്കെടുക്കുന്നത്. ഗുരുവായൂര്, അമ്പലപ്പുഴ, രവിപുരം, തമ്പലക്കാട്, തൃച്ചംബരം, തിരുവമ്പാടി, തിരുവല്ല ശ്രീവല്ലഭ ക്ഷേത്രം ചിന്ത്രമംഗലം, ഏവൂര്, തിരുവച്ചിറ, കുറുമ്പിലാവ്, താഴത്തെ മാമ്പുള്ളി, കൊടുന്തറ, ഉഡുപ്പി തുടങ്ങിയ ക്ഷേത്രങ്ങളില് പ്രത്യേക പൂജകളും സംഘടിപ്പിക്കും. തലസ്ഥാനത്ത് നെയ്യാറ്റിന്കര, മലയിന്കീഴ്, പിരപ്പന്കോട് ശ്രീകൃഷ്ണസ്വാമി ക്ഷേത്രങ്ങളിലാണ് പ്രധാനചടങ്ങുകള് നടക്കുക. ഗതാഗതക്കുരുക്കുണ്ടാകാനുള്ള സാധ്യത കണക്കിലെടുത്ത് പലയിടങ്ങളിലും പൊലീസ് ഗതാഗതനിയന്ത്രണം ഏര്പ്പെടുത്തിയിട്ടുണ്ട്.
കണ്ണൂരില് സിപിഎമ്മിന്റെ നേതൃത്വത്തിലും ശ്രീകൃഷ്ണജയന്തി ഘോഷയാത്രകള് സംഘടിപ്പിച്ചിട്ടുണ്ട്. ഇത് സംഘര്ഷ സാധ്യതയുണ്ടാക്കുമെന്നതിനാല് കനത്ത പോലിസ് സുരക്ഷ ഇവിടങ്ങളില് ഏര്പ്പെടുത്തിയിട്ടുണ്ട്.
Discussion about this post